നമ്മളൊക്കെ പലപ്പോഴായി അഭ്യാസപ്രകടനങ്ങള്‍ നടത്താറുണ്ട്. ജീവിതമാര്‍ഗ്ഗമായും അല്ലാതെയും. എന്നാല്‍ മൃഗങ്ങളെകൊണ്ട് അഭ്യാസം ചെയ്യിക്കുക എന്നത് കുറച്ച് പാടുള്ള പണിയാണ്. അവയ്ക്ക് പശീലനം നല്‍കുന്നത് തന്നെയാണ് ബുദ്ധിമുട്ട്.

എന്നാല്‍ യുഎസില്‍ നിന്നുള്ള ഒരു നായയുടെ അഭ്യാസം കണ്ടാല്‍ ഇവന്‍ വീരനെന്ന് ആരും പറയും. മൂക്കിന്റെ തുമ്പത്ത് കറങ്ങുന്ന പമ്പരവും, തലയിലെചെറിയ ബോളില്‍ മറ്റൊരു പമ്പരവും കൊണ്ടാണ് ഈ നായ അഭ്യാസം കാട്ടിയത്.

50 സെക്കന്‍ഡുകളോളം ദൈര്‍ഘ്യമുള്ള വീഡിയോയാണ് ഈ നായയുടേതായി പുറത്ത് വന്നിരിക്കുന്നത്.
തന്റെ ഈ അഭ്യാസം പൂര്‍ത്തീകരിക്കാന്‍ കാണിച്ച നായയുടെ ആത്മാര്‍ത്ഥതയെയും ക്ഷമയെയുമാണ് എല്ലാവരും പുകഴ്ത്തുന്നത്.

ക്യാമറ നായയുടെ ചുറ്റും എത്തുന്നുണ്ടെങ്കിലും തന്റെ ജോലിയില്‍ തന്നെ ശ്രദ്ധ കേന്ദ്രീകരിച്ച് നില്‍ക്കുകയാണ് ഈ നായ. അങ്ങോട്ടോ ഇങ്ങോട്ടോ നീങ്ങിയാല്‍ എല്ലാം താഴെ വീഴും. എന്നാല്‍ വളരെ ശ്രദ്ധയോടെ് നായ തന്റെ അഭ്യാസം പൂര്‍ത്തീകരിച്ചു.