എന്തു കൊണ്ട് സ്ത്രീക്ക് ഒന്നില്‍ കൂടുതല്‍ ഭര്‍ത്താക്കന്മാര്‍ ആയിക്കൂടാ..? നമുക്ക് എല്ലാവര്‍ക്കും അറിയുന്ന ഒരു കാര്യമാണ് ഇസ്‌ലാം മതത്തില്‍ പുരുഷന്മാര്‍ക്ക് ഒന്നില്‍ കൂടുതല്‍ ഭാര്യമാര്‍ ഒരേ സമയം ഉണ്ടാകാം എന്നത്. അവര്‍ക്കു അത് മതപരമായി അനുവദിനീയമാണ്. എന്നാല്‍ ഇന്ന് വരെ ആരും തന്നെ അതിന്റെ മറു പുറം ചിന്തിച്ചിട്ടില്ല. 

കാലം ഒരുപാട് പുരോഗമിച്ചപ്പോള്‍ സ്ത്രീകളുടെ ചിന്താവലയം വ്യാപിച്ചപ്പോള്‍ അവള്‍ ചിന്തിച്ചു തുടങ്ങി പുരുഷന് അങ്ങനെ ആകാമെങ്കില്‍ എന്ത് കൊണ്ട് സ്ത്രീകള്‍ക്ക് അത് അനുവദനീയമല്ല. ഈ ചോദ്യത്തിനുള്ള ഒരു മത പുരോഹിതന്റെ മറുപടി ഇങ്ങനെ ആയിരുന്നു...പുരുഷപ്രകൃതിയും സ്ത്രീ പ്രകൃതിയും തമ്മിലുള്ള അന്തരം തന്നെ ആണ് ഈ വ്യത്യാസത്തിന് കാരണം. പുരുഷന് ഒരേ സമയം ഒന്നില്‍ കൂടുതല്‍ സ്ത്രീകളോട് നീതി പുലര്‍ത്താന്‍ ആവും എന്നത് കൊണ്ട് തന്നെ ആണ് മതം അതിനെ അനുവദിക്കുന്നത്.