ഹൈദരാബാദിലെ ഒരു ട്രാഫിക് പോലീസ് ഉദ്യോഗസ്ഥന്‍ നിരവധിയാളുകളുടെ മനം കീഴടക്കുകയാണ്. എങ്ങിനെയെന്നോ...? മുട്ടൊപ്പം വെള്ളത്തില്‍ നിന്നുകൊണ്ട് തന്റെ ജോലി കൃത്യമായി ചെയ്യുന്നു എന്നത് തന്നെയാണ് പ്രത്യേകത.

കുത്തിയൊഴുകുന്ന വെള്ളത്തിന് നടുവില്‍ ഒരു കൈയ്യില്‍ കുടയും പിടിച്ച് മറുകൈകൊണ്ട് ഗതാഗതം നിയന്ത്രിക്കുന്ന പോലീസ് കോണ്‍സ്റ്റബിളിന്റെ ആത്മാര്‍ത്ഥതയെ വാനോളം പുകഴ്ത്തുകയാണ് സാമൂഹ്യ മാധ്യമത്തില്‍ എല്ലാവരും.

ട്രാഫിക്ക് പോലീസ് കോണ്‍സ്റ്റബിളിന്റെ ആത്മാര്‍ത്ഥത കണ്ടിഷ്ടപെട്ട ഒരു കാര്‍ ഡ്രൈവറാണ് ദൃശ്യങ്ങള്‍ പകര്‍ത്തി ട്വിറ്ററില്‍ പോസ്റ്റ് ചെയ്തത്. ഹൈദരാബാദ് പോലീസിന് സല്യൂട്ട് എന്ന ഹാഷ് ടാഗിലാണ് ട്വിറ്ററില്‍ പോസ്റ്റ് ചെയ്തിരിക്കുന്നത്. ഈ ഉദ്യോഗസ്ഥന്‍ ആരെന്ന് പറയാമോ അദ്ദേഹത്തിനോ മക്കള്‍ക്കോ ഒരു സമ്മാനം നല്‍കാനാണെന്നും സൂചിപ്പിച്ച് മറ്റൊരു ട്വീറ്റും വന്നിട്ടുണ്ട്.

വെള്ളിയാഴ്ച മുതല്‍ തുടര്‍ച്ചയായ മഴയാണ് നഗരത്തില്‍ പെയ്തുകൊണ്ടിരിക്കുന്നത്. മഴയോടെ നഗരത്തിന്റെ പലയിടങ്ങളിലും വെള്ളത്തിനടിയിലായിരിക്കുകയാണ്.