ഭാര്യയുടെയും കുടുംബാംഗങ്ങളുടെയും അഭിമുഖവും ഉള്ക്കൊള്ളിച്ച് സ്വന്തം വിവാഹ വാര്ത്ത ചാനലില് ബ്രേക്കിംഗ് ന്യൂസ് നല്കി ഒരു റിപ്പോര്ട്ടര്
വിശിഷ്ട വ്യക്തികളുടെയും താരങ്ങളുടെയും വിവാഹം തത്സമയം റിപ്പോര്ട്ട് ചെയ്യാന് ചാനലുകള് തമ്മില് മത്സരിക്കുന്ന കാലത്ത് സ്വന്തം വിവാഹവാര്ത്ത ബ്രേക്കിംഗ് ന്യുസ് നല്കി ചാനലിനെ ഞെട്ടിച്ചിരിക്കുകയാണ് ഒരു റിപ്പോര്ട്ടര്. പോരാത്തതിന് ഭാര്യയുടെയും കുടുംബാംഗങ്ങളുടെയും അഭിമുഖവും ഒപ്പം നല്കി.
'പാകിസ്താന് സിറ്റി 41' എന്ന പ്രദേശിക ചാനലിന്റെ റിപ്പോര്ട്ടര് ആയ മാധ്യമപ്രവര്ത്തകനാണ് ഈ 'ബ്രേക്കിംഗ് ന്യൂസിന്' പിന്നില്.ഹനാന് ബുഖാരിയാണ് പിതാവ്, മാതാവ്, ഭാര്യ, ഭാര്യയുടെ മാതാപിതാക്കള് എന്നിവരുടെ അഭിമുഖവും ചേര്ത്ത് സ്വന്തം വിവാഹം ബ്രേക്കിംഗ് ന്യൂസ് ആയി നല്കിയത്. 'ബ്രേക്കിംഗ് ന്യൂസ്' ചാനല് അത് പൂര്ണ്ണമായും സംപ്രേക്ഷണവും ചെയ്തു.
ഇത്തരത്തില് ബ്രേക്കിംഗ് നല്കാന് ബുഹാരിക്കുമുണ്ട് കാരണം. പ്രണയ വിവാഹമായിരുന്നു ഇവരുടേത്. താന് മാത്രമല്ല, കുടുംബം മുഴുവന് തന്റെ വിവാഹത്തില് സന്തോഷിക്കുന്നു എന്ന് പുറംലോകത്തെ അറിയിക്കുന്നതിനു വേണ്ടിയാണ് ബുഹാരി ഈ സാഹസികതയ്ക്ക് ശ്രമിച്ചത്. വിവാഹം കഴിഞ്ഞശേഷം കുടുംബാംഗങ്ങളെ ഇന്റര്വ്യൂ ചെയ്ത ബുഹാരിയുടെ പ്രധാന ചോദ്യം' ഇപ്പോള് എന്തു തോന്നുന്നു' എന്നതായിരുന്നു. മകന്റെ വിവാഹത്തില് ദൈവത്തിന് നന്ദി പറയുന്നതായി പിതാവ് മറുപടിയും നല്കുന്നുണ്ട്.
https://www.facebook.com/Malayalivartha
