ദേവസ്വം പുന്നത്തൂര്‍ക്കോട്ടയില്‍ കഴിയുന്ന അയ്യപ്പന്‍കുട്ടിയെന്ന ആനയുടെ കൊമ്പുകള്‍ കൂട്ടിമുട്ടി തുമ്പിക്കൈ ലോക്കായിട്ട് മാസങ്ങളായിരുന്നു.

ആനയുടെ കൊമ്പുകള്‍ വളര്‍ന്ന് കൂടിച്ചേര്‍ന്ന് ചെറിയ വിടവു മാത്രമാണ് ഉണ്ടായിരുന്നത്.

അകത്തു കിടക്കേണ്ട തുമ്പിക്കൈ കൊമ്പിന് പുറത്തായതോടെ വെള്ളം കുടിക്കാനും തീറ്റയെടുക്കാനും ആന വിഷമിച്ചിരുന്നു.

ഇന്നലെ വനംവകുപ്പ് ഉദ്യോഗസ്ഥരുടെ സാന്നിധ്യത്തില്‍ പെരുമ്പിള്ളിശേരി സ്മിതേഷ് ശശി ആനയുടെ കൊമ്പുകള്‍ മുറിച്ച് ചീകിമിനുക്കി.

അഴകിനൊപ്പം തുമ്പി വീശാനും തിന്നാനും കുടിക്കാനുമായതോടെ കൊമ്പനു സന്തോഷമായി.

തുമ്പിക്കൈ വീശിയുയര്‍ത്തി അവനൊന്ന് ചിന്നം വിളിച്ചു. ഇഷ്ടംപോലെ വെള്ളം കുടിച്ചു. പനമ്പട്ടയെടുത്ത് ദേഹത്ത് തട്ടി ഇടവും വലവും വീശി വായില്‍വച്ച് അവന്‍ സ്വാതന്ത്ര്യം ആഘോഷിച്ചു!