ടിക് ടോക്കിന്റെ നിരോധനത്തില് ചങ്ക് തകര്ന്ന് നിരവധി പേര്; പക്ഷേ പ്രതിഷേധമില്ല ഐക്യദാര്ഢ്യം മാത്രം: രാജ്യസുരക്ഷക്ക് പ്രധാന്യം മനസിലാക്കി പക്വതയുള്ള ഇന്ത്യന് യുവജനത; ചൈനീസ് ആപ്പുകള് പ്ലേ സ്റ്റോറില് നിന്നും നീക്കി
ലോകത്തില് തന്നെ ടിക് ടോക്ക് ഉപയോഗിക്കുന്നവരില് 44 ശതമാനവും ഇന്ത്യയിലാണ് എന്നത് ഈ ആപ്പിന് ഇന്ത്യന് ജനതയിലുള്ള സ്വീകാര്യത എത്രമാത്രമാണെന്നതിന് തെളിവാണ്. ഇന്ത്യയില് 32.3 കോടി പേരാണ് ഈ ആപ്പ് ഇതുവരെ ഡൗണ്ലോഡ് ചെയ്തിട്ടുള്ളത്. ഇതില് മഹാഭൂരിപക്ഷവും യുവതി യുവാക്കളും. തങ്ങളുടെ കഴിവുകള് പുറത്തുകൊണ്ടുവരാന് സഹായിക്കുന്ന ഫഌറ്റ് ഫോമായിയാണ് ഇന്ത്യന് യുവജനത ഇതിനെ കണ്ടത്. ഇതില് നല്ലൊരു ശതമാനവും ഗ്രാമപ്രദേശങ്ങളില് നിന്നുള്ളവരായിരുന്നു. അതിനോടൊപ്പം തന്നെ നിരവധി പ്രതിഷേധവും ഈ ആപ്പിനെതിരെ ഉയര്ന്നു. അത് ഇതൊരു ചൈനീസ് ആപ്പായതുകൊണ്ട് ഉപഭോക്താക്കളുടെ വിവരങ്ങള് ചോര്ത്തുമെന്നതു മാത്രമായിരുന്നില്ല. ടിക് ടോക്കിലെ വിഡിയോകള്ക്കും അതിന്റെ ഉള്ളടക്കത്തിനുമെതിരെയും ശക്തമായ വിമര്ശനമാണ് ഉയര്ന്നു വന്നിരുന്നത്. ഇതിന്റെ പേരില് പോലും ആപ്പ് നിരോധിക്കമെന്ന് ആവശ്യമുയര്ന്നിരുന്നു. എന്നാല് യുവാക്കളുടെ ഇടയിലുള്ള സ്വീകാര്യതകൊണ്ടു തന്നെ ഈ ആപ്പ് കൂടുതല് ആളുകളിലേക്ക് എത്തിചേര്ന്നുകൊണ്ടിരുന്നു.
പക്ഷേ ഇപ്പോള് കാര്യങ്ങള് വെറൊരു രീതിയിലായിരുന്നു. ലഡാക്കിലെ ചൈനീസ് അതിക്രമത്തിന് ശേഷം രാജ്യത്ത് ചൈനക്കെതിരെയുള്ള രോഷം ശക്തമാകുകയായിരുന്നു. ഇതിന്റെ ഭാഗമായിയാണ് രാജ്യസുരക്ഷ മുന് നിര്ത്തി ടിക് ടോക് ഇന്നലെ കേന്ദ്ര സര്ക്കാര് നിരോധിച്ചത്. ഒപ്പം രാജ്യത്തിന്റെ സുരക്ഷയ്ക്കും ഐക്യത്തിനും അഖണ്ഡതയ്ക്കും പ്രതിരോധസംവിധാനത്തിനും ക്രമസമാധാനത്തിനും വെല്ലുവിളി ഉയര്ത്തിയ 59 ചൈനീസ് ആപ്ലിക്കേഷനുകള് കേന്ദ്ര സര്ക്കാര് നിരോധിച്ചു. ഫോണ് കമ്പനികളോട് ഈ ആപ്ലിക്കേഷനുകള് ബ്ലോക്ക് ചെയ്യാന് സര്ക്കാര് ആവശ്യപ്പെടുകയും ചെയ്തു. എന്നാല് ജനപ്രിയ ടിക് ടോക് നിരോധിച്ചപ്പോള് പ്രതിഷേധമല്ല മറിച്ച് ഐക്യദാര്ഢ്യമാണ് യുവാക്കളുടെ ഇടയില് നിന്നുമുണ്ടാകുന്നതെന്നത് ശ്രദ്ധേയമാണ്. രാജ്യസുരക്ഷക്കായി ദേശീയതയിലൂന്നിനിന്ന് പക്വതയോടുകൂടിയ നിലപാടാണ് ടിക് ടോകിന്റെ കടുത്ത ആരാധകര് പോലും സ്വീകരിച്ചത്. ഇതിന് തെളിവായിരുന്ന ചൈനീസ് ബഹിഷ്കരണത്തിന്റെ ഭാഗമായി സൈനികര്ക്ക് ഐക്യദര്ഢ്യം പ്രഖ്യാപിച്ചുകൊണ്ട് നിരവധി പേര്ക്ക് ഈ ആപ്പ് ഉപേക്ഷിച്ചത്.
ചൈനീസ് കമ്പനിയായ ബൈറ്റ് ഡാന്സാണ് ടിക് ടോക്കിന്റെയും ഹലോയുടെയും ഉടമകള്. പാശ്ചാത്യ രാജ്യങ്ങളില് പ്രചാരം ലഭിക്കുന്ന ചുരുക്കം ചില ചൈനീസ് ആപ്ലിക്കേഷനുകളിലൊന്നാണ് ടിക് ടോക്. സോഷ്യല് മീഡിയാ ഭീമന്മാരായ ഫെയ്സ്ബുക്കിനെയും ഇന്സ്റ്റഗ്രമിനെയും പോലും വെല്ലുവിളിക്കാന് ശക്തിയാര്ജിച്ചിരുന്നു ഇന്ത്യയിലെ ടിക് ടോക്കിന്റെ സ്വീകര്യത. ടിക് ടോക്കിന്റെ ബലത്തില് ബൈറ്റ് ഡാന്സ് ആഗോള വിപണിയില് തങ്ങളുടെ സാന്നിധ്യമുറപ്പിച്ചതും.
ടിക് ടോക്കിന്റെ അഭാവം യുവാക്കള്ക്കിടയില് വലിയ നഷ്ടമായി തോന്നാനിടയുണ്ടെങ്കിലും പകരം സംവിധാനങ്ങളും ലഭ്യമാണ്. ഇതില് ഏറ്റവും ജനപ്രീതി ആര്ജിക്കുന്നത് മിത്രോണ് ആപ്പാണ്. മെയ്ഡ് ഇന് ഇന്ത്യയെന്ന പ്രത്യേകതയാണ് മിത്രോണിനെ സ്വീകാര്യമാക്കുന്നത്. കൂടാതെ ഇതിനോടകം തന്നെ ടിക് ടോക്കിന്റെ നിരവധി ഇന്ത്യന് പകര്പ്പുകള് ഇതിനോടം പ്രചാരം നേടിക്കഴിഞ്ഞിട്ടുണ്ട്. ഫെയ്സ്ബുക്കും യൂട്യൂബുമെല്ലാം സമാന സേവനങ്ങള് തയ്യാറാക്കിക്കഴിഞ്ഞു. ഗൂഗില് ക്രോം. എഡ്ജ് ഉള്പ്പടെ നിരവധി ബ്രൗസര് ആപ്ലിക്കേഷനുകളും ഫോട്ടോ എഡിറ്റിങ് ഫയല് ക്ലീനിങ് ആപ്ലിക്കേഷനുകളും പ്ലേസ്റ്റോറില് ഇതിനോടകം തന്നെ ലഭ്യമാണ്. ഇന്നലെ നിരോധിച്ച 59 ചൈനീസ് ആപ്ലിക്കേഷനുകളും ഇന്ന് പ്ലേ സ്റ്റോറില് നിന്നും ആപ്പിള് സ്റ്റോറില് നിന്നും നീക്കം ചെയ്തു.
https://www.facebook.com/Malayalivartha