അമേരിക്കന് കപ്പലിലെ യുവ ഷെഫിന്റെ നാട്ടിലെ തട്ടുകട ഹിറ്റ്!
അമേരിക്കന് കപ്പലിലെ യുവ ഷെഫും കാനഡയിലെ ഒരു റസ്റ്ററന്റിലെ മറ്റൊരു ഷെഫും തമ്മില് കണിച്ചുകുളങ്ങരയില് കൈകോര്ത്തപ്പോള് ലോക്ഡൗണില് അതിജീവനത്തിന്റെ പുതിയ തട്ട് തുറന്നു.
അമേരിക്കന് കപ്പലില് ഷെഫായ ബിബോഷ് ജനുവരിയില് അവധിക്ക് നാട്ടിലെത്തിയതാണ്. കണിച്ചുകുളങ്ങര കടുത്താനത്ത് ബാബുവിന്റെ മകനായ ബിബോഷ് തിരികെ മടങ്ങാനായി നെടുമ്പാശേരി വിമാനത്താവളത്തില് എത്തിയപ്പോഴാണ് ലോക്ഡൗണിന്റെ ഭാഗമായി വിമാന സര്വീസ് നിര്ത്തിയത് അറിയുന്നത്.
കാനഡയിലെ റസ്റ്ററന്റില് ഷെഫ് ആയിരുന്ന തണ്ണീര്മുക്കം വടക്കേക്കരി സോനു സോമനാകട്ടെ, വിവാഹത്തോട് അനുബന്ധിച്ചാണ് മാര്ച്ച് ആദ്യവാരം നാട്ടിലെത്തിയത്.
ലോക്ക് ഡൗണ് മൂലം തൊഴില് നഷ്ടപ്പെട്ട ഇരുവരും ചേര്ന്ന് ദേശീയപാതയില് കണിച്ചുകുളങ്ങര കവലയ്ക്കു സമീപം തട്ടുകട തുടങ്ങുകയായിരുന്നു. വിമാന സര്വീസ് തുടങ്ങിയാല് തിരികെ പോകാനാകുമെന്ന പ്രതീക്ഷയിലാണ് ഇരുവരും.
https://www.facebook.com/Malayalivartha