സുപ്രിയ ചെയ്തതറിഞ്ഞ് ആലുക്കാസിന്റെ ആ സർപ്രൈസ്! സുപ്രിയയ്ക്ക് വീട് നിർമിച്ചു നൽകാനൊരുങ്ങി ആലുക്കാസ്... സ്നേഹ സമ്മാനത്തിൽ ഞെട്ടി കുടുംബം
സോഷ്യല് മീഡിയയിൽ കഴിഞ്ഞ കുറച്ച് ദിവസങ്ങളായി തിരുവല്ല ജോളി സില്ക്ക്സിലെ ജീവനക്കാരി സുപ്രിയയാണ് താരം. സുപ്രിയ, അന്ധനായ ഒരു വൃദ്ധനെ കെഎസ്ആര്ടിസി ബസില് കൈപിടിച്ച് കയറ്റിയ ദൃശ്യം സമൂഹമാധ്യമങ്ങളില് വൈറലായിരുന്നു. വീഡിയോ വൈറലായതോടെ നിരവധി ആളുകളാണ് സുപ്രിയയുടെ നന്മ നിറഞ്ഞ പ്രവൃത്തിയെ പ്രശംസിച്ച് രംഗത്ത് വന്നത്.
വീഡിയോ വൈറലായതിനെ തുടർന്നാണ് തിരുവല്ല ജോളി സിൽക്സിലെ ജീവനക്കാരി സുപ്രിയയാണെന്നുള്ള കാര്യം പിന്നീട് സമൂഹമാധ്യമങ്ങളിലൂടെ അറിയുന്നത്. ഇപ്പോഴിതാസുപ്രിയ ചെയ്ത നന്മ പ്രവർത്തിയ്ക്ക് ഇരട്ടിമധുരവുമായി എത്തിയിരിക്കുന്നത് ജോയ് ആലുക്കാസാണ്. സുപ്രിയ നന്മ പ്രവർത്തി ചെയ്യുന്നതിന്റെ ദൃശ്യം കണ്ടതിനെ തുടർന്ന് ജോയി ആലുക്കാസ് ഉടമ സുപ്രിയയ്ക്കും കുടുംബത്തിനും വീട് നിർമ്മിച്ചു നൽകാമെന്നാണ് വാഗ്ദാനം ചെയ്തിരിക്കുന്നത്.
സുപ്രിയെയും കുടുംബത്തെയും ജോയി ആലുക്കാസിന്റെ തൃശ്ശൂരുള്ള ഹെഡ് ഓഫീസിൽ വിളിച്ചു വരുത്തുകയും അഭിനന്ദിക്കുകയും ചെയ്തിരുന്നു. തുടർന്ന് സുപ്രിയയ്ക്ക് ജീവിതത്തിലെ ഏറ്റവും വലിയൊരു സർപ്രൈസ് സമ്മാനം നൽകുമെന്ന് അദ്ദേഹം പറഞ്ഞിരുന്നു.
ഒടുവിൽ സുപ്രിയയെ തേടിയെത്തിയത് തന്റെ സ്വപ്നമാണ്. ഇത്രയും വലിയ ഒരു സർപ്രൈസ് ആയിരിക്കുമെന്ന് ജീവിതത്തിൽ ഒരിക്കലും വിചാരിച്ചിരുന്നില്ലെന്നും സുപ്രിയ പറഞ്ഞു. സമൂഹമാധ്യമങ്ങളിലൂടെ വീഡിയോ വൈറലായതിനെ തുടർന്ന് ഒരുപാട് ആളുകൾ നല്ല വാക്കുകൾ പറഞ്ഞുവെന്നും സാറിന്റെ അഭിനന്ദനം ഒരിക്കലും എനിക്ക് മറക്കാൻ ആവില്ലെന്ന് സുപ്രിയ പറഞ്ഞു.
വെറും നിസ്സാരമെന്ന് കരുതി ചെയ്ത ഒരു കാര്യത്തിന് ജീവിതത്തോളം വില ഉണ്ടെന്നുള്ള കാര്യം സാർ ഇപ്പോൾ ഓർമ്മിപ്പിച്ചുവെന്നും ജീവിതത്തിൽ ചെയ്ത നല്ല കാര്യങ്ങളുടെ പേരിലാണ് ആ നന്മയിൽ പങ്കുചേരാൻ തന്നെ തെരഞ്ഞെടുത്തതെന്നും സാർ പറഞ്ഞുവെന്ന് സുപ്രിയ പറയുന്നു. തിരുവല്ല തൂലശ്ശേരി സ്വദേശിയായ സുപ്രിയയുടെ ഭർത്താവ് അനൂപ്, മക്കൾ വൈഗാ ലക്ഷ്മി അശ്വിൻ എന്നിവരാണ്.
https://www.facebook.com/Malayalivartha