പ്രേക്ഷകരുടെ ഇഷ്ട താര ദമ്പതികളാണ് കാവ്യയും ദിലീപും. വിവാഹത്തിന് ശേഷം സിനിമയിൽ നിന്നും താത്കാലിക വിട പറഞ്ഞു കുടുംബിനിയായി കഴിയുകയാണ് കാവ്യ. ആരാധകർ സോഷ്യൽമീഡിയയിലൂടെയാണ് താരങ്ങളുടെ വിശേഷം അറിയുന്നതും. ചെന്നൈയിൽ പഠനത്തോട് അനുബന്ധിച്ച് ആയിരുന്നു മീനാക്ഷി എന്നാൽ കൊറോണ ആയതിനാൽ പഠനം താൽക്കാലികമായി നിർത്തിയിരിക്കുന്നതിനാൽ മീനാക്ഷി ഇപ്പോൾ പത്മസരോവരം വീട്ടിലുണ്ട്. മഹാലക്ഷ്മിക്ക് ഒപ്പം ഏറെ സന്തോഷത്തിലാണ് മീനാക്ഷിയും. മഹാലക്ഷ്മി ഉള്ളതുകൊണ്ട് വീട്ടിൽ ആർക്കും ബോറടിക്കുന്നില്ല എന്ന് കാവ്യാമാധവനും ദിലീപും പറയുന്നു.

ഇപ്പോഴിതാ വര്‍ഷങ്ങള്‍ക്ക് മുന്‍പ് മായമോഹിനി ഇറങ്ങിയ സമയത്ത് നല്‍കിയ അഭിമുഖത്തില്‍ ദിലീപ് പറയുന്ന ചില കാര്യങ്ങളുടെ വീഡിയോ വീണ്ടും വൈറലായി കൊണ്ടിരിക്കുകയാണ്. മമ്മൂട്ടി, മോഹന്‍ലാല്‍ തുടങ്ങി താരരാജാക്കന്മാരും യുവതാരങ്ങളുമെല്ലാം സ്ത്രീ വേഷങ്ങളിലെത്തി അത്ഭുതപ്പെടുത്തിയിട്ടുണ്ട്. ഒന്നോ രണ്ടോ സീനുകളില്‍ മാത്രമാണ് ഇങ്ങനെ വേഷം മാറേണ്ടി വന്നതെങ്കില്‍ മുഴുനീളം സിനിമയില്‍ സ്ത്രീ വേഷത്തില്‍ അഭിനയിച്ച നടന്‍ ദിലീപാണ്. ചാന്തുപൊട്ടിന് ശേഷം മായമോഹിനി എന്ന സിനിമയിലായിരുന്നു സ്ത്രീയായി ദിലീപ് അഭിനയിച്ചത്. യഥാര്‍ഥത്തില്‍ ഒരു സ്ത്രീ എങ്ങനെ ആയിരിക്കുന്നുവോ അതെല്ലാം പാലിച്ച് കൊണ്ടായിരുന്നു മായാമോഹിനിയ്ക്ക് വേണ്ടി ദിലീപ് വേഷം മാറിയത്. എന്നാല്‍ അതൊന്നും അത്ര നിസാരമായിരുന്നില്ലെന്ന് പറയുകയാണ് താരം. കഥാപാത്രത്തിന് വേണ്ടി കാത് കുത്തിയപ്പോഴും ത്രെഡ് ചെയ്തപ്പോഴുമൊക്കെയുള്ള അനുഭവങ്ങളായിരുന്നു ഒരു അഭിമുഖത്തില്‍ ദിലീപ് പറഞ്ഞത്. സ്ത്രീ വലിയൊരു സംഭവമാണെന്നാണ് സ്ത്രീ വേഷം കെട്ടിയതിന് ശേഷം ദിലീപിന് പറയാനുള്ളത്. എല്ലാം പെട്ടെന്ന് മറക്കാനും പൊറുക്കാനുമുള്ള കഴിവ് ഉള്ളവരാണ്.

അല്ലെങ്കില്‍ പിന്നെ സ്ത്രീകള്‍ വീണ്ടും വീണ്ടും പ്രസവിക്കത്തില്ല. വീണ്ടും വീണ്ടും ബ്യൂട്ടി പാര്‍ലറിലും പോവില്ല. മീനാക്ഷി ശരിക്കും മായമോഹിനി എങ്ങനെ ഉണ്ടാകുന്നുവെന്ന് കണ്ടോണ്ടിരുന്ന ആളാണ്. കാത് കുത്തുമ്പോഴും പിരുകും ത്രെഡ് ചെയ്യുമ്പോഴൊക്കെ മീനൂട്ടി ഉണ്ടായിരുന്നു. അയ്യോ എന്നൊക്കെ പറഞ്ഞ് ഞാന്‍ കരയുന്നതൊക്കെ മീനൂട്ടി കാണുന്നുണ്ടായിരുന്നു. വനിതയുടെ കവര്‍ പേജില്‍ വരുമ്പോഴാണ് ഈ രൂപം എന്റെ വീട്ടിലുള്ളവരും കാണുന്നത്.

അതുവരെ കണ്ടിട്ടില്ല. എല്ലാവര്‍ക്കും ഭയങ്കര ഷോക്ക് ആയി പോയി. എങ്ങനെയാണ് പുരികം ഒക്കെ ഇങ്ങനെ ആയത്. ശരിക്കും ഒരു പെണ്‍കുട്ടിയെ പോലെ ആവുമോ എന്നൊക്കെ അവര്‍ കരുതി. മീനുട്ടിയ്ക്ക് രണ്ട് അമ്മയെ കിട്ടിയ പോലെയാണ്. ചിത്രീകരണം നടക്കുന്നതിനിടെ ദാസേട്ടന്റെ ഒരു പരിപാടിയ്ക്ക് പോയിരുന്നു. അന്ന് അദ്ദേഹം എന്റെ കൈയിലെ നഖം കണ്ട് കളിയാക്കിയിരുന്നു. അതോടെ കൈ പുറത്ത് കാണിക്കാതെ പോക്കറ്റില്‍ തന്നെ വെച്ചോണ്ടായിരുന്നു നടപ്പ്.

അതോടെ പാന്റ് ഊരി പോകുന്നത് കൊണ്ടാണോ കൈ പോക്കറ്റിലിടുന്നതെന്നായി അടുത്ത ചോദ്യം. ദിലീപ് എന്ന നടന്‍ മലയാള സിനിമയിലെ ഏത് ഭസ്മാസുരനെ വധിക്കാനാണ് സ്ത്രീ വേഷം കെട്ടിയതെന്ന് അവതാരകന്‍ ചോദിച്ചിരുന്നു. എനിക്ക് അങ്ങനെ ആരോടും ശത്രുതയില്ല. എന്നോട് ആര്‍ക്കെങ്കിലും ഉണ്ടെങ്കില്‍ തന്നെ എന്തിനെന്ന് ഞാന്‍ അങ്ങോട്ടേ ചോദിക്കാറുള്ളു എന്നും ദിലീപ് പറയുന്നു.