സംസ്ഥാന സര്‍ക്കാറിന്‍റെ ഓണം ബംപര്‍ ലോട്ടറി നറുക്കെടുപ്പ് നടന്നു. TB 173964 ടിക്കറ്റിനാണ് ഒന്നാം സമ്മാനമായ 12 കോടി രൂപ ലഭിക്കുക. ടിക്കറ്റ് എറണാകുളം ജില്ലയിലാണ് വിറ്റത് എന്നാണ് പുറത്തു വരുന്ന വിവരം. കച്ചേരിപ്പടി വിഘ്നേശ്വര ഏജന്‍സി വിറ്റ ടിക്കറ്റിനാണ് ഒന്നാം സമ്മാനം. ഇവിടെ നിന്നും ടിക്കറ്റ് വാങ്ങിയ ജേതാവിനെ കണ്ടെത്താന്‍ അന്വേഷണം ആരംഭിച്ചിട്ടുണ്ട്.

ഉച്ചകഴിഞ്ഞ് മൂന്ന് മണിക്ക് തിരുവനന്തപുരം ബേക്കറി ജംങ്ഷനിലുള്ള ഗോര്‍ക്കി ഭവനിലാണ് നറുക്കെടുപ്പ് നടന്നത്. 300 രൂപയാണ് ഭാഗ്യക്കുറിയുടെ വില.

രണ്ടാം സമ്മാനമായി ഒരു കോടി വീതം ആറുപേര്‍ക്കും മൂന്നാം സമ്മാനമായി 10 ലക്ഷം രൂപ വീതം 12 പേര്‍ക്കും ലഭിക്കും. നാലാം സമ്മാനമായി 12 പേര്‍ക്ക് 5 ലക്ഷം രൂപ വീതം നല്‍കും. ഒരു ലക്ഷം, 5000, 3000, 2000, 1000 രൂപയുടെ മറ്റ് അനവധി സമ്മാനങ്ങളുമുണ്ട്.

(രണ്ടാം സമ്മാനം [Rs.1 Crore] -TA 738408 TB 474761 TC 570941 TD 764733 TE 360719 TG 787783)-എന്നിവയാണ് രണ്ടാം സമ്മാനത്തിന് അര്‍ഹമായ നമ്ബറുകള്‍.

കൊവിഡ് നിയന്ത്രണങ്ങള്‍ക്കിടയിലും തിരുവോണം ബമ്ബര്‍ ഭാഗ്യക്കുറിക്ക് ഇത്തവണ മികച്ച വില്‍പ്പനയാണ് ഉണ്ടായത്. 44.10 ലക്ഷം ടിക്കറ്റുകള്‍ അച്ചടിച്ചതില്‍ എല്ലാ ടിക്കറ്റുകളും വിറ്റുപോയി.