പ്ലീസ് വേണ്ടെന്നു പറയരുത്... മന്ത്രി ജയലക്ഷ്മിയുടെ വിവാഹത്തിന് എകെ ആന്റണിയുടെ വക മനസു നിറഞ്ഞ വിവാഹ സമ്മാനം
മന്ത്രി പികെ ജയലക്ഷിയുടെ വിവാഹത്തിന് മണിക്കൂറുകള് ശേഷിക്കേ മന്ത്രിയ്ക്ക് സമ്മാനങ്ങളുടെ പെരുമഴ. മന്ത്രിയല്ലേ... സാധാരണ കല്യാണത്തിന് നൂറോ ഇരുന്നൂറോ രൂപ കൊടുക്കുന്നവരാണ് സാധാരണക്കാര്. എന്നു കരുതി സംസ്ഥാനം ഭരിക്കുന്ന മന്ത്രിക്ക് അത് കൊടുക്കാന് പറ്റുമോ. ഈയവസരത്തിലാണ് നമ്മള് ബുദ്ധി ഉപയോഗിക്കുന്നത്. ഒന്നും കൊടുക്കാതിരിക്കുക. മന്ത്രിയല്ലേ... പണ്ട് പാവപ്പെട്ടവള് ആയിരുന്നെങ്കിലും ഇന്ന് അങ്ങനെയല്ലല്ലോ.
ഇങ്ങനെയുള്ള ചില വിവിഐപി കല്യാണത്തിന് പാരിതോഷികം വേണ്ടെന്ന് ലെറ്ററില് എഴുതാറുണ്ട്. ഇങ്ങനെ വേണ്ടെന്ന് എഴുതിയിരിക്കുന്നത് കാണുമ്പോഴാണ് നമുക്ക് എന്തെങ്കിലുമൊക്കെ കൊടുക്കാന് തോന്നുന്നത്.
അങ്ങനെ ഈ വിനീതയായ മന്ത്രിയുടെ വിവാഹത്തിനും സമ്മാനം കൊടുക്കേണ്ട സമയമായി. ആയിരക്കണക്കിന് വമ്പന്മാരാണ് മന്ത്രിക്ക് ആശംസകളും സമ്മാനങ്ങളുമായി കാത്തിരിക്കുന്നത്. അതില് എല്ലാവരേയും എ.കെ ആന്റണി കടത്തിവെട്ടി. സാധാരണ ലളിത ജീവിതം നയിക്കുന്ന ആന്റണിയുടെ സമ്മാനത്തുക കേട്ട് ആന്റണിയെ അറിയുന്ന സാധാരണക്കാര് പോലും ഞെട്ടി. 50 ലക്ഷം രൂപ. വാര്ത്ത സത്യമാണോന്നറിയാന് കൂടുതല് വായിച്ചപ്പോള് ശ്വാസം നേരെ വീണു.
സമ്മാനം മന്ത്രിയുടെ പേരില്, മന്ത്രി പഠിച്ച സ്കൂളിനാണെന്ന് മാത്രം. തവിഞ്ഞാല് പഞ്ചായത്തിലെ തലപ്പുഴ ഗവ. ഹയര്സെക്കന്ഡറി സ്കൂളിന്റെ കെട്ടിട നിര്മ്മാണത്തിന് എം.പി. ഫണ്ടില്നിന്ന് 50 ലക്ഷം രൂപ എ. കെ. ആന്റണി അനുവദിച്ചതാണ് വിവാഹസമ്മാനമായി മാറിയത്.
ഏഴാംക്ലാസ് വരെ പോരൂര് സെന്റ് സെബാസ്റ്റ്യന്സ് എ.യു.പി. സ്കൂളിലും മുതിരേരി സര്വ്വോദയം യു.പി. സ്കൂളിലുമായിരുന്നു ജയലക്ഷ്മിയുടെ പഠനം. ഏഴാംക്ലാസ് മുതല് തലപ്പുഴ ഗവ: ഹൈസ്കൂളിലും.
താന് പഠിച്ച സ്കൂളിന്റെ അവസ്ഥ മന്ത്രി എം.പിയുടെ ശ്രദ്ധയില്പ്പെടുത്തുകയായിരുന്നു. സ്കൂള് കെട്ടിടത്തിന് ഫണ്ട് അനുവദിക്കണമെന്ന മന്ത്രിയുടെ ആവശ്യം സ്നേഹപൂര്വം എ.കെ. ആന്റണി പരിഗണിക്കുകയുംചെയ്തു.
പ്രദേശത്തെ പട്ടികവര്ഗ്ഗക്കാരുടെയും പിന്നാക്കക്കാരുടെയും കര്ഷകരുടെയും മക്കള് ആശ്രയിക്കുന്നത് ഈ സ്കൂളിനെയാണ്. പല ക്ലാസ് മുറികളുടെയും പ്രവര്ത്തനം പഴയ കെട്ടിടങ്ങളിലാണ്. വിവാഹ സമ്മാനമെന്ന പേരിലെങ്കിലും ഫണ്ട് അനുവദിച്ചതോടെ സ്കൂളിന് ശാപമോക്ഷമാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha