വധഗൂഢാലോചനയുമായി ബന്ധപ്പെട്ട തെളിവുകളൊന്നും ഈ ഫോണില് ഇല്ല... ഹാജരാക്കണമെന്ന ആവശ്യപ്പെട്ട ഒരു മൊബൈല് ഫോണ് ബാങ്കിംഗ് ആവശ്യത്തിന് ഉപയോഗിക്കുന്നതാണ്... മറ്റൊരു ഫോണില് ബാലചന്ദ്രകുമാറിനെതിരായ തെളിവുകളുണ്ട്... ഇത് ശാസ്ത്രീയ പരിശോധനയ്ക്ക് അയച്ചിരിക്കുകയാണ്...ഇതിന്റെ ഫലം കോടതിക്ക് കൈമാറാം... ദിലീപിന്റെ മറുപടി ഇങ്ങനെ...
ചോദ്യം ചെയ്യൽ പൂർത്തിയായതിന് പിന്നാലെ കേസുമായി ബന്ധപ്പെട്ട് മൊബൈല് ഫോണുകള് ഹാജരാക്കണമെന്ന ക്രൈംബ്രാഞ്ചിന്റെ ആവശ്യം പ്രതി ദിലീപ് തള്ളിയിരുന്നു. അന്വേഷിച്ച ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസ് രജിസ്റ്റര് ചെയ്തതിന് പിന്നാലെ ദിലീപും കൂട്ടുപ്രതികളും അഞ്ച് മൊബൈല് ഫോണുകള് ഒളിപ്പിക്കുകയായിരുന്നെന്നാണ് ക്രൈംബ്രാഞ്ച് കണ്ടെത്തല്. ദിലീപിന്റെയും അനൂപിന്റെയും രണ്ട് വീതവും സുരാജിന്റെ ഒരു ഫോണുമാണ് ഒളിപ്പിച്ചത്. കേസിലെ നിര്ണായക തെളിവായ ഈ മൊബൈലുകള് ഉടന് ഹാജരാക്കണമെന്ന് ആവശ്യപ്പെട്ട് പ്രതികള്ക്ക് ഇന്നലെ ക്രൈം ബ്രാഞ്ച് നോട്ടീസ് നല്കിയിരുന്നു. ഇതിന് മറുപടിയായാണ് ഫോണുകള് ഹാജരാക്കാന് സാധിക്കില്ലെന്ന് ദിലീപ് രേഖാമൂലം അറിയിച്ചത്.
തന്റെ ഫോണ് ശാസ്ത്രീയ പരിശോധനയ്ക്ക് അയച്ചിരിക്കുകയാണ്. വധഗൂഢാലോചനയുമായി ബന്ധപ്പെട്ട തെളിവുകളൊന്നും ഈ ഫോണില് ഇല്ലെന്നും ദിലീപ് ക്രൈംബ്രാഞ്ചിന് നല്കി മറുപടിയില് പറഞ്ഞു.
ഹാജരാക്കണമെന്ന ആവശ്യപ്പെട്ട ഒരു മൊബൈല് ഫോണ് ബാങ്കിംഗ് ആവശ്യത്തിന് ഉപയോഗിക്കുന്നതാണ്. മറ്റൊരു ഫോണില് ബാലചന്ദ്രകുമാറിനെതിരായ തെളിവുകളുണ്ട്. ഇത് ശാസ്ത്രീയ പരിശോധനയ്ക്ക് അയച്ചിരിക്കുകയാണ്.
ഇതിന്റെ ഫലം ഒരാഴ്ച്ചക്കുള്ളില് ലഭിക്കും. ഫലം കോടതിക്ക് കൈമാറാം. അല്ലാതെ പൊലീസിന് നല്കില്ല. അവര് തനിക്കെതിരെ കള്ളക്കഥയുണ്ടാക്കുമെന്നാണ് ദിലീപ് പറയുന്നത്. അന്വേഷണ ഉദ്യോഗസ്ഥന്റെ ഫോണ് പരിശോധിക്കണമെന്ന ആവശ്യവും ദിലീപ് ഉന്നയിച്ചു. ഇത് പരിശോധിച്ചാല് തനിക്കെതിരായ ഗൂഡാലോചനയുടെ തെളിവുകള് ലഭിക്കുമെന്നാണ് ദിലീപ് അവകാശപ്പെടുന്നത്.
അതേസമയം അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ച കേസില് ദിലീപിന്റെയും കൂട്ടുപ്രതികളുടെയും ചോദ്യം ചെയ്യല് പൂര്ത്തിയായതിന് പിന്നാലെ ഇന്നാണ് കോടതിയിൽ റിപ്പോർട്ട് സമർപ്പിക്കാൻ അനുവദിച്ച ദിവസം .
മൂന്ന് ദിവസം നീണ്ടുനിന്ന 33 മണിക്കൂര് ചോദ്യം ചെയ്യലാണ് കഴിഞ്ഞ ദിവസം പൂർത്തിയായത്. വ്യക്തമായ തെളിവുകളുടെ അടിസ്ഥാനത്തിലാണ് ദിലീപിനെയും സംഘത്തെയും ചോദ്യം ചെയ്തത്. കേസുമായി ബന്ധപ്പെട്ട് നിര്ണായക നീക്കം ചോദ്യം ചെയ്യലിന് പിന്നാലെയുണ്ടാവുമെന്നാണ് ക്രൈംബ്രാഞ്ച് വൃത്തങ്ങള് നല്കുന്ന സൂചന. പ്രതികളെ കൂടുതല് ചോദ്യം ചെയ്യണമെന്ന് എസ് പി മോഹനചന്ദ്രന് ആവശ്യപ്പെട്ടു. ഇതുമായി ബന്ധപ്പെട്ട് ഹൈക്കോടതിയെ സമീപിക്കുമെന്നും മോഹനചന്ദ്രന് അറിയിച്ചിരുന്നു.
https://www.facebook.com/Malayalivartha