ദക്ഷിണാഫ്രിക്കക്കെതിരായ മൂന്നാം ടെസ്റ്റില്‍ അജിങ്ക്യ രഹാനെക്ക് സെഞ്ച്വറി (106*). നേരത്തെ രോഹിത് ശര്‍മയും (166*) സെഞ്ച്വറി നേടിയിരുന്നു. ഇരുവരുടെയും സെഞ്ച്വറി മികവില്‍ മികച്ച സ്‌കോര്‍ ലക്ഷ്യമിടുകയാണ് ഇന്ത്യ. നിലയുറപ്പിച്ച് കളിക്കുന്ന ഇരുവരും ചേര്‍ന്നാണ്മുന്‍നിരയുടെ തകര്‍ച്ചയില്‍ നിന്നും ഇന്ത്യയെ കരകയറ്റിയത്. ന്നാം ദിവസം വെളിച്ചക്കുറവ് മൂലം കളി നിര്‍ത്തുമ്പോള്‍ മൂന്ന് വിക്കറ്റ് നഷ്ടത്തില്‍ 224 എന്ന നിലയിലായിരുന്നു ഇന്ത്യ. ഒടുവില്‍ വിവരം ലഭിക്കുമ്പോള്‍ കൂടുതല്‍ വിക്കറ്റ് നഷ്ടമില്ലാതെ 297 റണ്‍സ് എന്ന നിലയിലാണ്.

ടോസ് നേടി ബാറ്റിങ് തെരഞ്ഞെടുത്ത ഇന്ത്യക്ക് 39 റണ്‍സെടുക്കുന്നതിനിടെ മൂന്ന് വിക്കറ്റുകള്‍ നഷ്ടമായിരുന്നു. മായങ്ക് അഗര്‍വാള്‍ (10), ചേതേശ്വര്‍ പൂജാര (പൂജ്യം), ക്യാപ്റ്റന്‍ വിരാട് കോഹ്ലി (12) എന്നിവരാണ് തുടക്കത്തിലേ പുറത്തായത്. അഗര്‍വാളിനെയും പൂജാരയെയും റബാഡയാണ് മടക്കിയത്.

മുന്‍നിര തകര്‍ന്ന് ഇന്ത്യ വന്‍ തകര്‍ച്ചയെ അഭിമുഖീകരിച്ചെങ്കിലും രോഹിത് ശര്‍മയും അജിങ്ക്യ രഹാനെയും ചേര്‍ന്നുള്ള കൂട്ടുകെട്ട് ആതിഥേയരെ മത്സരത്തിലേക്ക് തിരികെയെത്തിക്കുകയായിരുന്നു.