ധോണിയെക്കുറിച്ച് അഭിപ്രായം പറയുന്നവര്ക്കെതിരെ രൂക്ഷഭാഷയില് ശാസ്ത്രിയുടെ വിമര്ശനം, സ്വന്തം ഷൂവിന്റെ ലേസ് കെട്ടാന് പോലും അറിയാത്തവരാണ് അഭിപ്രായം പറയുന്നവരെന്ന് ശാസ്ത്രി
സ്വന്തം ഷൂവിന്റെ ലേസ് കെട്ടാന് പോലും അറിയാത്തവരാണ് മഹേന്ദ്രസിങ് ധോണിയെക്കുറിച്ചും അദ്ദേഹം വിരമിക്കേണ്ടതിന്റെ ആവശ്യകതയെക്കുറിച്ചും അഭിപ്രായം പറയുന്ന പകുതി ആളുകളെന്നും ഇന്ത്യന് പരിശീലകന് രവി ശാസ്ത്രി. ഒരു ദേശീയ മാധ്യമത്തിനു നല്കിയ അഭിമുഖത്തിലാണ് ശാസ്ത്രിയുടെ രൂക്ഷ വിമര്ശനം. ഇന്ത്യയ്ക്ക് ധോണി സമ്മാനിച്ച നേട്ടങ്ങള് വിമര്ശകര് കാണാന് ശ്രമിക്കാത്തത് എന്താണെന്നും ധോണി ഇപ്പോള്ത്തന്നെ കളിനിര്ത്തണമെന്ന് ഇവര്ക്ക് എന്താണിത്ര നിര്ബന്ധമെന്നും ശാസ്ത്രി ചോദിച്ചു. സംസാരിക്കാന് കടുത്ത വിഷയദാരിദ്ര്യം നേരിടുന്നതുകൊണ്ടാണ് ഇവര് ധോണിയെക്കുറിച്ച് ആവര്ത്തിച്ച് പറഞ്ഞുകൊണ്ടിരിക്കുന്നതെന്നും ശാസ്ത്രി പരിഹസിച്ചു.
ധോണിക്കും അദ്ദേഹത്തെ അടുത്തു പരിചയമുള്ളവര്ക്കും വ്യക്തമായി അറിവുള്ളതാണ് ഇനി അധികകാലം കളി തുടരില്ലെന്ന കാര്യം. അതുകൊണ്ടുതന്നെ അദ്ദേഹം വിരമിക്കേണ്ട സമയം സ്വഭാവികമായി വന്നുചേരട്ടെ. ധോണിയെക്കുറിച്ച് അതുമിതും പറയുന്നത് അദ്ദേഹത്തോടുള്ള അനാദരവാണ്. ഇന്ത്യയ്ക്കായി ഒന്നര ദശാബ്ദത്തോളം കളിച്ച ധോണിക്ക് കൃത്യസമയത്ത് കൃത്യമായ തീരുമാനമെടുക്കാന് സാധിക്കില്ലെന്നാണോ ഇത്തരക്കാരുടെ ചിന്ത? വൃദ്ധിമാന് സാഹ ടെസ്റ്റില് വിക്കറ്റ് കാക്കാന് പ്രാപ്തനാണെന്ന് ചൂണ്ടിക്കാട്ടി വളരെ നേരത്തേതന്നെ ധോണി ടെസ്റ്റില്നിന്ന് വിരമിക്കല് പ്രഖ്യാപിച്ചത് ഓര്മയില്ലേ? ധോണിയുടെ തീരുമാനം ശരിയായിരുന്നു. ടീമിന്റെ കാര്യത്തില് തന്റെ കാഴ്ചപ്പാടും നിരീക്ഷണങ്ങളും എക്കാലവും വ്യക്തമായിത്തന്നെ പങ്കുവച്ചിട്ടുള്ള വ്യക്തിയാണ് ധോണി' - ശാസ്ത്രി ചൂണ്ടിക്കാട്ടി.
'റാഞ്ചിയില് ദക്ഷിണാഫ്രിക്കയ്ക്കെതിരെ നടന്ന മൂന്നാം ക്രിക്കറ്റ് ടെസ്റ്റിനുശേഷം ധോണി ഡ്രസിങ് റൂമില് വന്നു. ആ മത്സരത്തിലൂടെ അരങ്ങേറിയ ഷഹബാസ് നദീമുമായി സംസാരിക്കുന്നതും കണ്ടു. രാജ്യാന്തര ക്രിക്കറ്റില് അരങ്ങേറ്റം കുറിച്ച ഒരു താരത്ത സംബന്ധിച്ച് എത്രയോ പ്രചോദനം നല്കുന്നതാണ് ധോണിയുടെ ആ സമീപനം. ഒരു കാര്യം വ്യക്തമായി പറയാം; എപ്പോഴാണ് വിരമിക്കേണ്ടതെന്ന് തീരുമാനിക്കാനുള്ള പൂര്ണമായ അവകാശം ധോണിക്കു മാത്രമാണ്. ഈ വിഷയം എന്നന്നേക്കുമായി വിട്ടേക്കുക'.
https://www.facebook.com/Malayalivartha