ഈഡന് ഗാര്ഡന്സില് നടക്കാനിരിക്കുന്ന ഇന്ത്യ-ബംഗ്ലദേശ് 2-ാം ടെസ്റ്റ് ഡേ-നൈറ്റ്
ബിസിസിഐ അധ്യക്ഷനായി ചുമതല ഏറ്റെടുത്തതിനു പിന്നാലെ ഇന്ത്യന് ക്രിക്കറ്റില് വിപ്ലവകരമായ മാറ്റങ്ങള്ക്ക് തുടക്കം കുറിയ്ക്കുന്നു സൗരവ് ഗാംഗുലി. ബംഗ്ലദേശിനെതിരായ 2 മത്സരങ്ങളുടെ പരമ്പരയിലെ അവസാന ടെസ്റ്റ് പകലും രാത്രിയുമായി നടത്താന് ഇന്ത്യയും ബംഗ്ലദേശും ധാരണയിലെത്തി. ഇന്ത്യ കളിക്കുന്ന ആദ്യ ഡേ-നൈറ്റ് ടെസ്റ്റ് മത്സരം ആയിരിക്കും ഇത്.
ഗാംഗുലി, ബംഗ്ലദേശ് ക്രിക്കറ്റ് ബോര്ഡുമായി നടത്തിയ ചര്ച്ചയിലാണ് ഫലം കണ്ടത്. നവംബര് 22-26 ദിവസങ്ങളില് ഗാംഗുലിയുടെ തട്ടകമായ കൊല്ക്കത്ത ഈഡന് ഗാര്ഡന്സിലാണു മത്സരം. ഉച്ച കഴിഞ്ഞ് 2 മണിക്കു തുടങ്ങുന്ന വിധത്തില് ക്രമീകരിച്ചിരിക്കുന്ന മത്സരത്തിന്, പിങ്ക് നിറത്തിലുള്ള പന്താകും ഉപയോഗിക്കുക. ചായയ്ക്കു പുറമേ അത്താഴത്തിനും ഇന്നിങ്സ് ബ്രേക്കുണ്ടാകും.
പകലും രാത്രിയുമായി മുന്പു 11 ടെസ്റ്റുകള് രാജ്യാന്തര തലത്തില് നടന്നിട്ടുണ്ടെങ്കിലും മാറ്റത്തോട് ഇതുവരെ മുഖം തിരിഞ്ഞു നില്ക്കുകയായിരുന്നു ഇന്ത്യ. ഓസ്ട്രേലിയന് ക്രിക്കറ്റ് ബോര്ഡ് കഴിഞ്ഞ വര്ഷം ഇതേ ആവശ്യവുമായി ബിസിസിഐയെ സമീപിച്ചിരുന്നു. ഫ്ലഡ് ലൈറ്റില് പന്തു കാണുന്നത് ദുഷ്കരമാകും എന്ന കാരണം പറഞ്ഞു ബിസിസിഐ പിന്മാറിയതോടെ മത്സരം പകല് മാത്രമായി നടത്തി.
ഞാന് ചെയ്തത് എന്റെ ജോലിയാണ്. സാമാന്യ ബോധം മാത്രമാണു തീരുമാനത്തിനു പിന്നില്. ടെസ്റ്റ് മത്സരങ്ങള് കാണുന്നതിനായി കൂടുതല് ആളുകളെ സ്റ്റേഡിയത്തില് എത്തിക്കാന് ഇതു സഹായകമാകുമെന്നാണ് പ്രതീക്ഷ.
https://www.facebook.com/Malayalivartha