പുകമഞ്ഞൊന്നും ബംഗ്ലാദേശിനെ ബാധിച്ചില്ല.... പോരാട്ടവീര്യത്തോടെ രണ്ടാം ബാറ്റിങ് ഏറ്റെടുത്തു, തകര്പ്പന് ജയവുമായി ബംഗ്ലാ കടുവകള് ചരിത്രം കുറിച്ചു, ട്വന്റി20 ചരിത്രത്തില് ഇന്ത്യക്കെതിരെ ഇവരുടെ ആദ്യ ജയം
പുകമഞ്ഞൊന്നും ബംഗ്ലാദേശിനെ ബാധിച്ചില്ല. ആദ്യം ബാറ്റുചെയ്ത് 148 റണ്സ് കുറിച്ച ഇന്ത്യക്കെതിരെ മൂന്നു പന്തും ഏഴു വിക്കറ്റും ബാക്കിനില്ക്കെ തകര്പ്പന് ജയവുമായി ബംഗ്ലാ കടുവകള് ചരിത്രംകുറിച്ചു. . ടോസ് നേടിയ ബംഗ്ലാദേശ് ഇന്ത്യയെ ആദ്യ ബാറ്റിങ്ങിനയക്കുകയായിരുന്നു.
ബാറ്റിങ്ങിനിറങ്ങിയ ബംഗ്ലാദേശിന് ലിറ്റണ് ദാസിനെ (7) ആദ്യ ഓവറില് നഷ്ടമായെങ്കിലും പിന്നീട് പിടിച്ചുനിന്നു. മുഹമ്മദ് നഇം (26), സൗമ്യ സര്ക്കാര് (39) എന്നിവരുടെ തുടക്കം മുതലെടുത്ത മുഷ്ഫിഖുര് റഹിം വെടിക്കെട്ട് ഇന്നിങ്സുമായി (43 പന്തില് 60) ടീമിനെ ജയത്തിലേക്കു നയിക്കുകയായിരുന്നു. നായകന് മഹ്മൂദുല്ല (15 നോട്ടൗട്ട്) മികച്ച പിന്തുണ നല്കി. 18ാം ഓവറില് മുഷ്ഫിഖിനെ ക്രുണാല് ബൗണ്ടറി ലൈനില് കൈവിട്ടതും, 19ാം ഓവറില് ഖലീല് അഹമ്മദ് 18 റണ്സ് വഴങ്ങിയതും ഇന്ത്യന് തോല്വിയില് നിര്ണായകമായി.
ഒമ്പതു റണ്സെടുത്ത രോഹിത് ട്വന്റി20യിലെ രണ്ടു റെക്കോഡ് സ്വന്തം പേരിലാക്കി. നായകന് രോഹിത് ശര്മ (9) എളുപ്പം പുറത്തായപ്പോള് ശിഖര് ധവാന് (41), ലോകേഷ് രാഹുല് (15), ശ്രേയസ് അയ്യര് (22), ഋഷഭ് പന്ത് (27) എന്നിവര് മധ്യ ഓവറുകളിലും ക്രുണാല് പാണ്ഡ്യ (15 നോട്ടൗട്ട്), വാഷിങ്ടണ് സുന്ദര് (14 നോട്ടൗട്ട്) എന്നിവര് അവസാന ഓവറുകളിലും ആഞ്ഞടിച്ചതോടെയാണ് ഇന്ത്യ പൊരുതാവുന്ന സ്കോറിലെത്തിത്.
ആറു വിക്കറ്റ് നഷ്ടത്തിലാണ് ആതിഥേയര് 148 റണ്സ് നേടിയത്. അരങ്ങേറ്റക്കാരന് ശിവം ദുബെ (1) നിരാശപ്പെടുത്തി. ബംഗ്ലാദേശിനായി ശഫിഉല് ഇസ്ലാമും അമിനുല് ഇസ്ലാമും രണ്ടു വിക്കറ്റ് വീതം വീഴ്ത്തി.
പുകമഞ്ഞ് നിറയുന്ന അന്തരീക്ഷത്തില് രണ്ടാം ബാറ്റ് ദുഷ്കരമാവുമെന്നറിഞ്ഞിട്ടും പോരാട്ടവീര്യത്തോടെ അവര് ആ വെല്ലുവിളി ഏറ്റെടുത്തു. ട്വന്റി20 ചരിത്രത്തില് ഇന്ത്യക്കെതിരെ ഇവരുടെ ആദ്യ ജയമാണിത്.
https://www.facebook.com/Malayalivartha