മുംബൈ വിമാനത്താവളത്തില് ക്രുണാല് പാണ്ഡ്യയെ തടഞ്ഞുവച്ച് ഡയറക്ടറേറ്റ് ഒഫ് റവന്യു ഇന്റലിജന്സ്... താരത്തിന്റെ പക്കൽ ഒരു കോടിയിലേറെ വിലവരുന്ന സ്വര്ണാഭരണങ്ങളും വാച്ചുകളും ഉണ്ടായിരുന്നതായി റിപ്പോര്ട്ട്
ഐ.പി.എല് ടൂര്ണമെന്റിന് ശേഷം കഴിഞ്ഞ ദിവസം മുംബൈ വിമാനത്താവളത്തില് ഡയറക്ടറേറ്റ് ഒഫ് റവന്യു ഇന്റലിജന്സ് (ഡി.ആര്.ഐ) തടഞ്ഞുവച്ച മുംബൈ ഇന്ത്യന്സ് താരം ക്രുണാല് പാണ്ഡ്യയുടെ കൈവശം ഒരു കോടിയിലേറെ വിലവരുന്ന സ്വര്ണാഭരണങ്ങളും വാച്ചുകളും ഉണ്ടായിരുന്നതായി റിപ്പോര്ട്ട്.
കണക്കില്പ്പെടാത്ത സ്വര്ണാഭരണങ്ങളും ആഡംബരവാച്ചുകളും കൈവശമുണ്ടെന്ന സംശയത്തെ തുടര്ന്നാണ് നടപടി ഉണ്ടായത്. ബിസിസിഐ സമ്മാനമായി നല്കിയ വാച്ചുള്പ്പെടെ സ്വര്ണ മാലകളും താരത്തിന്റെ പക്കലുണ്ടായിരുന്നു എന്നാണ് റിപ്പോര്ട്ട്. ഇതിന്റെ ആകെ മൂല്യം ഇന്ത്യന് നിയമപ്രകാരം അനുവദനീയമായതിലും അധികമായിരുന്നു. തുടര്ന്ന് താരം കൊണ്ടുവന്ന ആഡംബര വാച്ചുകള് പലതും നടപടി ക്രമം അനുസരിച്ച് കസ്റ്റംസിന് കൈമാറി. പിഴ അടക്കാമെന്ന് താരം സമ്മതിച്ചതിനെ തുടര്ന്ന് പിഴ അടപ്പിച്ച ശേഷം വിട്ടയച്ചു. ഇനി ഇത്തരത്തിലുള്ള സംഭവം ആവര്ത്തിക്കില്ലെന്ന ഉറപ്പും ക്രുണാല് നല്കിയിട്ടുണ്ട്.
https://www.facebook.com/Malayalivartha