ഇംഗ്ലണ്ടിനെതിരെയുള്ള രണ്ടാം ടെസ്റ്റിന്റെ ആദ്യ ഇന്നിങ്സില്‍ ഇന്ത്യ 329 റണ്‍സിന് എല്ലാവരും പുറത്തായി. ആറു വിക്കറ്റിന് 300 എന്ന നിലയില്‍ രണ്ടാം ദിനം കളിയാരംഭിച്ച ഇന്ത്യയ്ക്ക് 29 റണ്‍സെടുക്കുന്നതിനിടെ ശേഷിച്ച വിക്കറ്റുകളും നഷ്ടമായി.

അര്‍ധസെഞ്ചുറിയുമായി പുറത്താവാതെ നിന്ന ഋഷഭ് പന്ത് മാത്രമാണ് രണ്ടാം ദിനം പിടിച്ചുനിന്നത്. 77 പന്തുകളില്‍ നിന്നും 58 റണ്‍സാണ് പന്ത് നേടിയത്. താരത്തിന്റെ ആറാം ടെസ്റ്റ് അര്‍ധസെഞ്ചുറിയാണിത്. ബാറ്റിങ് ആരംഭിച്ച ഇം?ഗ്ലണ്ടിന് ആദ്യ വിക്കറ്റ് നഷ്ടമായി.



രണ്ടു മുന്‍നിര ബാറ്റ്സ്മാന്മാര്‍ പൂജ്യത്തിന് പുറത്തായ പിച്ചില്‍ രോഹിതിന്റെ വീരോചിത സെഞ്ചുറിയോടെ (161) ഇന്ത്യ ആദ്യദിനം ആറിന് 300 റണ്‍സിലെത്തി. അജിന്‍ക്യ രഹാനെ (67) രോഹിതിന് കൂട്ടായി. ക്യാപ്റ്റന്‍ വിരാട് കോലി (0), ഓപ്പണര്‍ ശുഭ്മാന്‍ ഗില്‍ (0) എന്നിവര്‍ പൂജ്യത്തിന് മടങ്ങി. രോഹിത്, രഹാനെ, ചേതേശ്വര്‍ പുജാര (21), ആര്‍. അശ്വിന്‍(13) എന്നിവരും മടങ്ങി. ഒന്നാംദിനംതന്നെ സ്പിന്നര്‍മാര്‍ക്ക് അനുകൂലമായ പിച്ചില്‍ 350-375ലെത്തിയാല്‍ ഭേദപ്പെട്ട സ്‌കോറാകുമെന്ന് വിലയിരുത്തുന്നു.