ബാഴ്‌സലോണയുടെ പ്രീക്വാര്‍ട്ടര്‍ പ്രതീക്ഷകള്‍ക്ക് മങ്ങല്‍.... ചാമ്പ്യന്‍സ് ലീഗില്‍ പ്രീക്വാര്‍ട്ടര്‍ ഉറപ്പിച്ച് മാഞ്ചസ്റ്റര്‍ യുണൈറ്റഡ്, ചെല്‍സി, ബയേണ്‍ മ്യൂണിക്ക് ടീമുകള്‍. അതേസമയം, ബെന്‍ഫിക്കയോട് ഗോള്‍രഹിത സമനില വഴങ്ങിയതോടെ ബാഴ്‌സലോണയുടെ പ്രീക്വാര്‍ട്ടര്‍ പ്രതീക്ഷകള്‍ക്ക് മങ്ങലേറ്റു.

വിയ്യാറയലിനെ എതിരില്ലാത്ത രണ്ടു ഗോളുകള്‍ക്ക് കീഴടക്കിയാണ് മാഞ്ചസ്റ്റര്‍ യുണൈറ്റഡ് പ്രീക്വാര്‍ട്ടര്‍ ഉറപ്പിച്ചത്. ക്രിസ്റ്റ്യാനോ റൊണാള്‍ഡോ(78), സാഞ്ചോ(90) എന്നിവര്‍ യുണൈറ്റഡിന് വേണ്ടി ലക്ഷ്യംകണ്ടു. ജയത്തോടെ പത്ത് പോയിന്റുമായി യുണൈറ്റഡ് മുന്നേറി.

ചെല്‍സി എതിരില്ലാത്ത നാല് ഗോളുകള്‍ക്ക് യുവന്റസിനെ തകര്‍ത്തു. ചലോബ(25), ജെയിംസ്(55), ഹുഡ്‌സണ്‍(58), വെര്‍നെര്‍(90+5) എന്നിവര്‍ ചെല്‍സിക്കായി ഗോള്‍നേടി. ഈ വിജയത്തോടെ ചെല്‍സി 12 പോയിന്റുമായി യുവന്റസിന് ഒപ്പമെത്തി.