ബാഴ്‌സലോണയുടെ വിഖ്യാത ഗോള്‍ കീപ്പര്‍ അന്റോണി റാമില്ലറ്റസ്‌ അന്തരിച്ചു. എണ്‍പത്തിയൊമ്പതു വയസായിരുന്നു. 1946 മുതല്‍ 62വരെ ബാഴ്‌സയുടെ ഗോള്‍കീപ്പറായിരുന്നു അദ്ദേഹം. സ്‌പെയിനിനുവേണ്ടി ലോകകപ്പിലുള്‍പ്പെടെ 35 തവണ കളിച്ചിട്ടുണ്ട്‌. ലോകം കണ്ടതില്‍വെച്ച്‌ ഏറ്റവും മികച്ച ഗോള്‍ കീപ്പര്‍മാരില്‍ ഒരാളായിരുന്നു റാമില്ലറ്റസ്‌. മൊത്തം 473 മത്സരങ്ങളില്‍ അദ്ദേഹം കളിച്ചിട്ടുണ്ട്‌. ഫുഡ്‌ബോളില്‍ നിന്ന്‌ വിരമിച്ചശേഷം സ്‌പാനിഷ്‌ ടീമുകളുടെ പരിശീലകനായും റാമില്ലറ്റസ്‌ പ്രവര്‍ത്തിച്ചിട്ടുണ്ട്‌.