ഐ.പി.എല്‍ മാതൃകയിലുള്ള ഫുട്‌ബോള്‍ ടൂര്‍ണ്ണമെന്റിന് കേരളത്തില്‍ നിന്നുള്ള ടീമും. കൊച്ചി ആസ്ഥാനമായ ഫ്രാഞ്ചൈസിയാണ് കേരളത്തില്‍ നിന്നുള്ള ടീമിനെ സ്വന്തമാക്കാനായി രംഗത്തുള്ളത്. പായ്ക്ക്‌സ് എന്നായിരിക്കും ടീമിന്റെ പേരെന്നാണ് സൂചന. ഫ്രാഞ്ചൈസികളെ കണ്ടെത്തുന്നതിനുള്ള ലേലം അടുത്ത മാസം നടക്കും. അടുത്ത വര്‍ഷം ജനുവരി 18 മുതല്‍ മാര്‍ച്ച് 30 വരെ നടക്കുന്ന ടൂര്‍ണ്ണമെന്റില്‍ എട്ടു ടീമുകളാണ് പങ്കെടുക്കുക. കൊച്ചിക്കു പുറമെ പൂനെ, മുംബൈ, ചെന്നൈ, കൊല്‍ക്കത്ത, ഗോവ, ദില്ലി, ബംഗലുരു എന്നിവിടങ്ങളിലെ ഫ്രാഞ്ചൈസികളും രംഗത്തുണ്ട്