ഒളിമ്പിക്സില് തുടര്ച്ചയായ രണ്ടാം വെങ്കല മെഡല് നേടിയ ഇന്ത്യന് ഹോക്കി താരം പി ആര് ശ്രീജേഷിനെ ഇന്ന് അനുമോദിക്കും....
ഒളിമ്പിക്സില് തുടര്ച്ചയായ രണ്ടാം വെങ്കല മെഡല് നേടിയ ഇന്ത്യന് ഹോക്കി താരം പി ആര് ശ്രീജേഷിനെ ഇന്ന് അനുമോദിക്കും. വൈകുന്നേരം നാലിന് തിരുവനന്തപുരം വെള്ളയമ്പലം ജിമ്മി ജോര്ജ് ഇന്ഡോര് സ്റ്റേഡിയത്തിലൊരുക്കുന്ന സ്വീകരണം മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
സംസ്ഥാന സര്ക്കാര് പ്രഖ്യാപിച്ച രണ്ടുകോടി രൂപയുടെ പാരിതോഷികവും വിതരണം ചെയ്യും. കായികമന്ത്രി വി അബ്ദുറഹിമാന് അധ്യക്ഷനാകും. വൈകിട്ട് 3.30ന് മാനവീയം വീഥിയുടെ പരിസരത്തുനിന്ന് ശ്രീജേഷിനെ സ്വീകരിച്ച് തുറന്ന ജീപ്പില് ജിമ്മി ജോര്ജ് ഇന്ഡോര് സ്റ്റേഡിയത്തിലേക്ക് ആനയിക്കുന്നതാണ്.
പാരിസ് ഒളിമ്പിക്സിലെ ഇന്ത്യന് സംഘത്തിലുണ്ടായിരുന്ന മുഹമ്മദ് അനസ്, എച്ച് എസ് പ്രണോയ്, മുഹമ്മദ് അജ്മല്, അബ്ദുള്ള അബൂബക്കര് എന്നീ താരങ്ങള്ക്കും അത്ലറ്റിക്സ് ചീഫ് കോച്ച് പി രാധാകൃഷ്ണന്നായര്ക്കും പ്രഖ്യാപിച്ച പാരിതോഷികവും സമ്മാനിക്കും.
ഏഷ്യന് ഗെയിംസ് മെഡല് ജേതാക്കളായ പി യു ചിത്ര, മുഹമ്മദ് അനസ്, വി കെ വിസ്മയ, വി നീന, കുഞ്ഞുമുഹമ്മദ് എന്നിവര്ക്ക് പൊതുവിദ്യാഭ്യാസവകുപ്പില് അസിസ്റ്റന്റ് സ്പോര്ട്സ് ഓര്ഗനൈസറായി നിയമിച്ചുകൊണ്ടുള്ള ഉത്തരവും കൈമാറുകയും ചെയ്യും .
"
https://www.facebook.com/Malayalivartha
