സംസ്ഥാന സ്‌കൂള്‍ കായികമേളയില്‍ അത്‌ലറ്റിക്‌സില്‍ ആദ്യ രണ്ടു സ്വര്‍ണവും മലപ്പുറം ജില്ലക്കാണ്. സീനിയര്‍ ആണ്‍കുട്ടികളുടെ 5000 മീറ്റര്‍ നടത്തത്തില്‍ മലപ്പുറം കടകശ്ശേരി ഐഡിയല്‍ ഇന്റര്‍ നാഷണല്‍ സ്‌കൂളിലെ മുഹമ്മദ് സുല്‍ത്താനാണ് ട്രാക്കിലെ ആദ്യ സ്വര്‍ണം സ്വന്തമാക്കിയത്.

പെണ്‍കുട്ടികളുടെ 3000 മീറ്റര്‍ നടത്തത്തില്‍ മലപ്പുറം ആലത്തിയൂര്‍ കെ.എച്ച്.എം.എച്ച്.എസിലെ കെ.പി ഗീതുവും സ്വര്‍ണം നേടി.ജൂനിയര്‍ ആണ്‍ കുട്ടികളുടെ 3000 മീറ്ററില്‍ സ്വര്‍ണം നേടുന്ന പാലക്കാട് മുണ്ടൂര്‍ എച്ച്.എസ്.എസിലെ എസ്.ജഗനാഥന്‍. അതേ സമയം, ജൂനിയര്‍ ആണ്‍ കുട്ടികളുടെ 3000 മീറ്ററില്‍ മുണ്ടൂര്‍ എച്ച്.എസ്.എസിലെ എസ്.ജഗനാഥന്‍ പാലക്കാടിനായി ആദ്യ സ്വര്‍ണം നേടി.

സീനിയര്‍ പെണ്‍കുട്ടികളുടെ 3000 മീറ്റര്‍ നടത്തിത്തില്‍ വെള്ളിയും വെങ്കലവും പാലക്കാട് നേടി. മുണ്ടൂര്‍ എച്ച്.എസ്.എസിലെ അനശ്വര വെള്ളിയും പത്തിരിപ്പാല ജി.എച്ച്.എസ്.എസിലെ ഗായത്രി സുരേഷ് വെങ്കലവും നേടി.

സ്‌കൂളുകളില്‍ രണ്ടു സ്വര്‍ണവും ഒരു വെള്ളിയും നേടി 13 പോയിന്റുമായി പാലക്കാട് മുണ്ടൂര്‍ എച്ച്.എസാണ് മുന്നിട്ടു നില്‍ക്കുന്നത്.