വനിതാ ഭാരോദ്വഹനം 45 കിലോഗ്രാം വിഭാഗത്തില്‍ സുഫ്ന ജാസ്മിന്‍ ചാമ്പ്യനായി. ഉത്തരാഖണ്ഡില്‍ നടക്കുന്ന 38ാം ദേശീയ ഗെയിംസില്‍ ആദ്യ സ്വര്‍ണത്തിനായുള്ള കേരളത്തിന്റെ കാത്തിരിപ്പിന് ശുഭപര്യവസാനം.

കഴിഞ്ഞ ദിവസം നീന്തലില്‍ സജന്‍ പ്രകാശിലൂടെ കേരളം രണ്ട് വെങ്കലം സ്വന്തമാക്കിയിട്ടുണ്ടായിരുന്നു. പുരുഷന്മാരുടെ 200 മീറ്റര്‍ ഫ്രീസ്‌റ്റൈലിലും 100 മീറ്റര്‍ ബട്ടര്‍ഫ്ളൈയിലുമാണ് സജന്‍ മൂന്നാംസ്ഥാനം കരസ്ഥമാക്കിയത്.

വനിത ഷൂട്ടിങ് 10 മീറ്റര്‍ എയര്‍ റൈഫിള്‍ ഫൈനലില്‍ കേരളത്തിന്റെ വിദര്‍ശ കെ വിനോദ് ആറാം സ്ഥാനത്ത് ഫിനിഷ് ചെയ്തു.