രഞ്ജി ട്രോഫി ക്വാര്ട്ടര് ഫൈനല് പോരാട്ടത്തില് ജമ്മു കശ്മീരിനെതിരെ ടോസ് നേടിയ കേരളം ഫീല്ഡിംഗ് തെരഞ്ഞെടുത്തു...
രഞ്ജി ട്രോഫി ക്വാര്ട്ടര് ഫൈനല് പോരാട്ടത്തില് ജമ്മു കശ്മീരിനെതിരെ ടോസ് നേടിയ കേരളം ഫീല്ഡിംഗ് തെരഞ്ഞെടുത്തു. പൂനെയിലെ മഹാരാഷ്ട്ര ക്രിക്കറ്റ് സ്റ്റേഡിയത്തില് രാവിലെ ഒന്പതരയ്ക്കാണ് മത്സരം ആരംഭിക്കുന്നത്. ജിയോ സിനിമയില് മത്സരം തത്സമയം കാണാന് കഴിയും.
അഞ്ചുവര്ഷത്തിനു ശേഷമാണ് കേരളം രഞ്ജി ട്രോഫി ക്വാര്ട്ടര് കളിക്കുന്നത്. ഗ്രൂപ്പിലെ അവസാന മത്സരത്തില് ബിഹാറിനെതിരെ ഇന്നിംഗ്സ് ജയം നേടിയാണ് കേരളം നോക്ക് ഔട്ട് റൗണ്ടില് കടന്നത്.
ഗ്രൂപ്പ് സിയില് നിന്ന് 28 പോയന്റുമായി രണ്ടാമതായാണ് കേരളം പ്രാഥമിക റൗണ്ട് അവസാനിപ്പിച്ചത്. ബിഹാറിനെതിരെ ഇന്നിങ്സ് ജയത്തോടെ ഗ്രൂപ്പിലെ മറ്റ് മല്സരങ്ങള് അവസാനിക്കും മുന്പെ തന്നെ കേരളത്തിന് ക്വാര്ട്ടര് ഉറപ്പിക്കാനായിരുന്നു. കര്ണ്ണാടക, ബംഗാള്, ഉത്തര്പ്രദേശ്, മധ്യപ്രദേശ്, പഞ്ചാബ് തുടങ്ങിയ കരുത്തരെ മറികടന്നാണ് ഹരിയാനയ്ക്കൊപ്പം കേരളം സി ഗ്രൂപ്പില് നിന്ന് നോക്കൗട്ടിന് യോഗ്യത നേടിയത്.
ഏഴ് മല്സരങ്ങളില് മൂന്ന് വിജയവും നാല് സമനിലയും നേടിയ കേരളം ഒറ്റ മല്സരത്തില്പ്പോലും തോല്വി വഴങ്ങിയില്ല. ബാറ്റിങ് - ബൗളിങ് നിരകള് അവസരത്തിനൊത്തുയര്ന്നതാണ് സീസണില് കേരളത്തിന് കരുത്തായത്.
"
https://www.facebook.com/Malayalivartha
