ഇന്ത്യന്‍ വനിതാ ബാസ്‌കറ്റ്ബോളിലെ മിന്നും താരങ്ങളായിരുന്ന സ്മൃതി രാധാകൃഷ്ണനും ഗീതു അന്ന രാഹുലും ഇനി പരിശീലകവേഷത്തില്‍ തിളങ്ങും
ഇന്ത്യന്‍ വനിതാ ബാസ്‌കറ്റ്ബോളിലെ മിന്നും താരങ്ങളായിരുന്ന സ്മൃതി രാധാകൃഷ്ണനും ഗീതു അന്ന രാഹുലും ഇനി പരിശീലകവേഷത്തില്‍ തിളങ്ങും.
ലോക ബാസ്‌കറ്റ്ബോള്‍ സംഘടനയായ ഫിബയുടെ കോച്ച് ലെവല്‍ വണ്‍ പരീക്ഷയില്‍ ഇരുവരും മികച്ച വിജയം നേടുകയും ചെയ്തു. സ്പോര്‍ട്സ് കൗണ്‍സില്‍ കോച്ചായ വിപിന്‍ കണ്ണനും ഈ നേട്ടം കൈവരിച്ച മലയാളിയാണ്. നിലവില്‍ ചങ്ങനാശേരി എസ്ബി കോളേജിലാണ്. ഇന്ത്യന്‍ ടീം ക്യാപ്റ്റനും റെയില്‍വേ താരവുമായ സ്മൃതി കോഴിക്കോട് വടകര പുറമേരി സ്വദേശിയാണ്.
2014ല്‍ ദക്ഷിണകൊറിയയിലെ ഇഞ്ചിയോണില്‍ നടന്ന ഏഷ്യന്‍ ഗെയിംസിലാണ് ഇന്ത്യയെ നയിച്ചത്. ഏഷ്യന്‍ ഗെയിംസില്‍ ക്യാപ്റ്റനാകുന്ന പ്രായം കുറഞ്ഞ താരമായിരുന്നു.
കേരളത്തില്‍ നടന്ന ദേശീയ ഗെയിംസില്‍ സ്വര്‍ണം നേടിയ ടീം അംഗമായിരുന്നു. നിലവില്‍ റെയില്‍വേയുടെ എറണാകുളം ഓഫീസില്‍ സൂപ്രണ്ടാണ്. വിദേശ ലീഗുകളില്‍ കളിച്ച പരിചയം ഗീതുവിന് മുതല്‍ക്കൂട്ടാകുകയും ചെയ്യും. ഓസ്ട്രേലിയന്‍ ലീഗില്‍ മൂന്ന് സീസണ്‍ കളിക്കുകയും ചെയ്തു.ചങ്ങനാശേരി സ്വദേശിയായ ഗീതു റെയില്‍വേയില്‍ ഉദ്യോഗസ്ഥയാണ്.
"
https://www.facebook.com/Malayalivartha
