പതിനാലു വര്ഷം നീണ്ട ടെസ്റ്റ് കരിയറിന് വിരാമം കുറിച്ച് സൂപ്പര് ബാറ്റര് വിരാട്കോഹ്ലി
ഇന്ത്യന് ക്യാപ്റ്റന് രോഹിത് ശര്മ ടെസ്റ്റ് മതിയാക്കി ദിവസങ്ങള്ക്കുള്ളിലാണ് കോഹ്ലിയും ടെസ്റ്റ് മതിയാക്കുന്നതായി പ്രഖ്യാപിച്ചത്. ടെസ്റ്റ് മതിയാക്കാനുള്ള ആഗ്രഹം കഴിഞ്ഞ ദിവസം അദ്ദേഹം ബിസിസിഐയെ അറിയിച്ചിട്ടുണ്ടായിരുന്നു.
വരാനിരിക്കുന്ന ഇംഗ്ലണ്ട് പര്യടനത്തിനു ശേഷം വിരമിക്കല് തീരുമാനം എടുത്താല് മതിയെന്നു ബിസിസിഐ അദ്ദേഹത്തോടു ആവശ്യപ്പെടുകയും ചെയ്തു. എന്നാല് അതൊന്നും അദ്ദേഹം പരിഗണനയിലെടുത്തില്ല.
'കഴിഞ്ഞ പതിനാലു വര്ഷമായി ടെസ്റ്റ് ക്രിക്കറ്റില് ഞാന് ഈ ബാഗി ബ്ലൂ ധരിക്കുന്നു. ഈ ഫോര്മാറ്റാണ് എന്നെ രൂപപ്പെടുത്തിയത്. ഇത്ര കാലം നീണ്ട യാത്ര പ്രതീക്ഷിച്ചതല്ല. ജീവിത പാഠങ്ങള് പോലും ടെസ്റ്റ് ഫോര്മാറ്റ് എന്നെ പഠിപ്പിച്ചു. വെള്ള വസ്ത്രം ധരിച്ചു കളിക്കുമ്പോള് ആഴത്തിലുള്ള ചില നിമിഷങ്ങള് അനുഭവപ്പെടാറുണ്ട്. ആ ഓര്മകള് എക്കാലവും ഉള്ളില് നിലനില്ക്കും.'
'ഈ ഫോര്മാറ്റില് നിന്നു മാറി നില്ക്കുന്നത് എളുപ്പമല്ല. പക്ഷേ ഇപ്പോള് അതു ശരിയായ സമയമാണ്. എന്റെ കഴിവിന്റെ എല്ലാം ടെസ്റ്റ് ഫോര്മാറ്റിനായി ഞാന് സമര്പ്പിച്ചു. ഞാന് ഒട്ടും പ്രതീക്ഷിക്കാത്ത അത്രയും തിരികെ കിട്ടി. നിറഞ്ഞ മനസോടെയാണ് മടങ്ങുന്നത്. നിറഞ്ഞ പുഞ്ചിരിയോടെയായിരിക്കും ഞാന് ടെസ്റ്റ് കരിയറിനെ തിരിഞ്ഞു നോക്കുക'- കോഹ്ലി വിരമിക്കല് തീരുമാനം അറിയിച്ച് ഇന്സ്റ്റയില് കുറിക്കുകയും ചെയ്തു.
അതേസമയം ടെസ്റ്റില് ഇന്ത്യക്കായി ഏറ്റവും കൂടുതല് റണ്സ് നേടിയ താരങ്ങളുടെ പട്ടികയില് നാലാം സ്ഥാനക്കാരനായാണ് കോഹ്ലി വിരമിക്കുന്നത്. സച്ചിന് ടെണ്ടുല്ക്കര്, രാഹുല് ദ്രാവിഡ്, സുനില് ഗാവസ്കര് എന്നിവര് കഴിഞ്ഞാല് ടെസ്റ്റില് ഇന്ത്യക്കായി ഏറ്റവും കൂടുതല് റണ്സടിച്ച താരം കോഹ്ലിയാണ്.
https://www.facebook.com/Malayalivartha
