ഇംഗ്ലണ്ട് പര്യടനത്തിനുള്ള ഇന്ത്യയുടെ അണ്ടര്‍19 ആണ്‍കുട്ടികളുടെ ടീമില്‍ ഇടംപിടിച്ച് മലയാളി ലെഗ്‌സ്പിന്നര്‍ മുഹമ്മദ് ഇനാന്‍. അടുത്തമാസം 24 മുതല്‍ ജൂലയ് 23 വരെ നടക്കുന്ന പരമ്പരയ്ക്കുള്ള ഇന്ത്യന്‍ ടീമിനെ ഐ.പി.എല്ലില്‍ ചെന്നൈ സൂപ്പര്‍ കിംഗ്‌സിനായ മികച്ച പ്രകടനം കാഴ്ചവച്ച ആയുഷ് മാത്രേയാണ് നയിക്കുന്നത്.

ഐ.പി.എല്ലില്‍ സെഞ്ച്വറിയടിച്ച 15കാരന്‍ വിസ്മയബാറ്റര്‍ വൈഭവ് സൂര്യവംശിയും ടീമിലുണ്ട്. 5 ഏകദിനങ്ങളും രണ്ട് ചതുര്‍ ദിന മത്സരങ്ങളുമാണ് പര്യടനത്തിലുള്ളത് . ഓസ്‌ട്രേലിയക്കെതിരെയായ അണ്ടര്‍- 19 ടെസ്റ്റ്, ഏകദിന പരമ്പരയില്‍ പുറത്തെടുത്ത മികച്ച പ്രകടനമാണ് ഇനാന് ഇംഗ്‌ളണ്ടിലേക്കും വഴിതുറന്നത്.


ഓസീസിനെതിരെ ടെസ്റ്റ് മത്സരവും ഏകദിനവും ജയിച്ച് ഇന്ത്യ പരമ്പര സ്വന്തമാക്കിയപ്പോള്‍ ഇനാന്‍ ഏകദിനത്തില്‍ 6 വിക്കറ്റും ടെസ്റ്റില്‍ 16 വിക്കറ്റും നേടി .ടീം അംഗങ്ങള്‍ :ആയുഷ് മാത്രേ ( ക്യാപ്ടന്‍), വൈഭവ് സൂര്യവംശി, വിഹാന്‍ മല്‍ഹോത്ര, മൗല്യരാജ്‌സിംഗ് ചൌവ്ദ, രാഹുല്‍ കുമാര്‍, അഭിജ്ഞാന്‍ കുണ്ടു, ഹര്‍വംശ് സിംഗ്, ആര്‍.എസ് അംബരീഷ്, കനിഷ്‌ക് ചൗഹാന്‍, ഖിലാന്‍ പട്ടേല്‍, ഹെനില്‍ പട്ടേല്‍, യുദ്ധജിത് ഗുഹ, പ്രണവ് രാഗവേന്ദ്ര, മുഹമ്മദ് ഇനാന്‍,ആദിത്യ റാണ, അന്‍മോല്‍ജീത് സിംഗ്.