പി.എസ്.ജി ഫിഫ ക്ലബ് ലോകകപ്പ് പ്രീക്വാര്‍ട്ടറില്‍...
പി.എസ്.ജി ഫിഫ ക്ലബ് ലോകകപ്പ് പ്രീക്വാര്‍ട്ടറില്‍. ഗ്രൂപ്പിലെ നിര്‍ണായക മത്സരത്തില്‍ അമേരിക്കന്‍ ക്ലബായ സിയാറ്റിന്‍ സൗണ്ടേഴ്‌സിനെ മറുപടിയില്ലാത്ത രണ്ടു ഗോളിനാണ് ഫ്രഞ്ച് ക്ലബ് തകര്‍ത്തത്.ബ്രി ഗ്രൂപ്പ് ചാമ്പ്യന്മാരായാണ് പി.എസ്.ജി അവസാന പതിനാറിലെത്തിയത്.
മൂന്നു മത്സരങ്ങളില്‍ നിന്ന് ആറു പോയന്റ്. ഗ്രൂപ്പില്‍നിന്ന് ബ്രസീല്‍ ക്ലബ് ബോട്ടാഫോഗോയും പ്രീക്വാര്‍ട്ടറിലെത്തി. ഖ്വിച്ച ക്വാരത്സെലി, അഷ്‌റഫ് ഹക്കീമി എന്നിവരാണ് പി.എസ്.ജിക്കായി വലകുലുക്കിയത്. പ്രീ ക്വാര്‍ട്ടറില്‍ ഫുട്ബാള്‍ ഇതിഹാസം ലയണല്‍ മെസ്സിയുടെ ഇന്റര്‍ മയാമിയാണ് പി.എസ്.ജിയുടെ എതിരാളികള്‍.
മത്സരത്തിന്റെ 35ാം മിനിറ്റില്‍ വിറ്റിഞ്ഞയുടെ ക്രോസില്‍ നിന്നാണ് ക്വാരത്സെലി ടീമിന് ലീഡ് നേടികൊടുത്തത്. 66ാം മിനിറ്റില്‍ ഹക്കീമി ടീമിന്റെ രണ്ടാം ഗോള്‍ നേടി. ബ്രാഡ്ലി ബാര്‍ക്കോളയാണ് ഗോളിന് വഴിയൊരുക്കിയത്. മറ്റൊരു മത്സരത്തില്‍ ബോട്ടാഫോഗോയോട് ഒരു ഗോളിന് ജയിച്ചിട്ടും അത്‌ലറ്റികോ മഡ്രിഡ് പ്രീ ക്വാര്‍ട്ടര്‍ കാണാതെ പുറത്തായി.മത്സരത്തിന്റെ നിശ്ചിത സമയം അവസാനിക്കാന്‍ മൂന്നു മിനിറ്റ് ബാക്കി നില്‍ക്കെ (87ാം) പകരക്കാരന്‍ അന്റോണിയോ ഗ്രീസ്മാനാണ് അത്‌ലറ്റികോയുടെ വിജയ ഗോള്‍ കരസ്ഥമാക്കിയത്.
"
https://www.facebook.com/Malayalivartha
