ടെന്നീസ് താരം ലിയാണ്ടര്‍ പേസിന്റെ പിതാവുമായ വീസ് പേസ് അന്തരിച്ചു...
ടെന്നീസ് താരം ലിയാണ്ടര്‍ പേസിന്റെ പിതാവുമായ വീസ് പേസ് അന്തരിച്ചു. 80 വയസ്സായിരുന്നു. മുന്‍ ഇന്ത്യന്‍ ഹോക്കി താരവും, 1972-ലെ മ്യൂണിക്ക് ഒളിംപിക്സില്‍ വെങ്കലം നേടിയ ഇന്ത്യന്‍ ടീം അംഗവുമായിരുന്നു അദ്ദേഹം. ഏറെ നാളായി പാര്‍ക്കിന്‍സണ്‍സ് രോഗബാധിതനായിരുന്നു. കൊല്‍ക്കത്തയിലെ വൂഡ്ലാന്‍ഡസ് ആശുപത്രിയില്‍ വച്ചായിരുന്നു അന്ത്യം സംഭവിച്ചത്.
ഇന്ത്യന്‍ കായികരംഗത്ത് പല മേഖലകളിലും പ്രവര്‍ത്തിച്ച വ്യക്തിയാണ് വീസ് പേസ്. ഇന്ത്യന്‍ ഹോക്കി ടീമില്‍ മിഡ്ഫീല്‍ഡറായിരുന്ന അദ്ദേഹം, ഫുട്ബോള്‍, ക്രിക്കറ്റ്, റഗ്ബി തുടങ്ങിയ കളികളിലും മികവ് തെളിയിക്കുകയും ചെയ്തിട്ടുണ്ട്.
1996 മുതല്‍ 2002 വരെ ഇന്ത്യന്‍ റഗ്ബി ഫുട്ബോള്‍ യൂണിയന്റെ പ്രസിഡന്റായും അദ്ദേഹം സേവനമനുഷ്ഠിച്ചിട്ടുണ്ട്.' കായിക ഡോക്ടറായിരുന്ന അദ്ദേഹം ഏഷ്യന്‍ ക്രിക്കറ്റ് കൗണ്‍സില്‍, ബിസിസിഐ, ഇന്ത്യന്‍ ഡേവിസ് കപ്പ് ടീം എന്നിവയുള്‍പ്പെടെ നിരവധി കായിക സംഘടനകളുടെ മെഡിക്കല്‍ കണ്‍സള്‍ട്ടന്റായും പ്രവര്‍ത്തിച്ചിരുന്നു.
"
https://www.facebook.com/Malayalivartha
