കോമണ്‍വെല്‍ത്ത്‌ ഗെയിംസില്‍ ഇന്ത്യ ഗുസ്‌തിയില്‍ മൂന്ന്‌ സ്വര്‍ണ്ണം നേടി. സുശീല്‍ കുമാറും, അമിത്‌ കുമാറും വനിതാ വിഭാഗത്തില്‍ വിനേഷുമാണ്‌ സ്വര്‍ണ ജേതാക്കള്‍. ഗെയിംസില്‍ പത്ത്‌ സ്വര്‍ണവുമായി ഇന്ത്യ ഇപ്പോള്‍ അഞ്ചാം സ്ഥാനത്തേക്ക്‌ എത്തി.
എഴുപത്തി നാല്‌ കിലോ വിഭാഗം ഫ്രീസ്റ്റലില്‍ പാകിസ്‌താന്റെ ഖമര്‍ അബ്ബാസിനെയാണ്‌ സുശീല്‍ പരാദജയപ്പടുത്തിയത്‌. 57 കിലോ വിഭാഗത്തില്‍ അമിത്‌ കുമാര്‍ നൈജീരിയയുടെ എബിക്വിനോമോ വെല്‍സനെ കീഴടക്കി 6-2 എന്ന പോയിന്റിനായിരുന്നു ഇരുപതുകാരനായ അമിതിന്റെ സ്വര്‍ണ നേട്ടം.
വനിതകളുടെ 48 കിലോ വിഭാഗം ഫ്രീസ്റ്റൈല്‍ ഫൈനലിന്റെ ഇംഗ്ലണ്ടിന്റെ യാനാ റട്ടിഗനെയാണ്‌ 11-8 ന്‌ വിനേഷ്‌ പരാജയപ്പെടുത്തിയത്‌.
10 സ്വര്‍ണവും 14 വെള്ളിയും 9 വെങ്കലവും അടക്കം 33 മെഡലുകളാണ്‌ ഇതുവരെ ഇന്ത്യയുടെ നേട്ടം. ആസ്‌ട്രേലിയയാണ്‌ മെഡല്‍ പട്ടികയില്‍ ഒന്നാമത്‌.