ഐ.പി.എല്ലില്‍ പഞ്ചാബ് കിങ്സിനെ മായങ്ക് അഗര്‍വാള്‍ നയിക്കും. ടീമിനെ നയിക്കാന്‍ അവസരം കിട്ടിയതില്‍ ഏറെ സന്തോഷമുണ്ടെന്നും അഭിമാനത്തോടെ ദൗത്യം ഏറ്റെടുക്കുകയാണെന്നും 31കാരന്‍ പറഞ്ഞു. ലേലത്തിന് മുമ്പായി പഞ്ചാബ് ടീം നിലനിര്‍ത്തിയ രണ്ടു താരങ്ങളില്‍ ഒരാളായിരുന്നു മായങ്ക്. 2018 മുതല്‍ ടീമിലുള്ള കര്‍ണാടകക്കാരന്‍ ടീമിന്റെ ഉപനായകനായിരുന്നു. കഴിഞ്ഞ സീസണില്‍ ഇടക്ക് ടീമിനെ നയിക്കുകയും ചെയ്തു. കഴിഞ്ഞ സീസണില്‍ ലോകേഷ് രാഹുലായിരുന്നു പഞ്ചാബിനെ നയിച്ചിരുന്നത്. ഇത്തവണ പുതിയ ടീമായ ലഖ്നോ സൂപ്പര്‍ ജയന്റ്സ് ക്യാപ്റ്റനാണ് രാഹുല്‍.