അഞ്ചു വര്‍ഷത്തിനു ശേഷം ടെസ്റ്റ് ക്രിക്കറ്റിലേയ്ക്കുള്ള മടങ്ങിവരവ് സെഞ്ചുറിയോടെ ആഘോഷമാക്കിയ പാക്കിസ്ഥാന്‍ താരം ഷൊയ്ബ് മാലിക്ക് നന്ദി പറയുന്നത് ഭാര്യ സാനിയ മിര്‍സയോട്. സാനിയയുടെ പ്രചോദനമാണ് തനിക്കു മികച്ച പ്രകടനം കാഴ്ചവയ്ക്കാന്‍ സഹായകമായതെന്ന് മാലിക്ക് ഇംഗ്ലണ്ടിനെതിരായ ആദ്യ ടെസ്റ്റിലെ സെഞ്ചുറി നേട്ടത്തിനു ശേഷം പറഞ്ഞു.

2010 ഓഗസ്റ്റിനു ശേഷം ആദ്യമായാണ് മാലിക്ക് പാക്ക് ടെസ്റ്റ് ടീമില്‍ കളിക്കുന്നത്. ഒന്നാം ദിനം 124 റണ്‍സോടെ പുറത്താകാതെ നിന്ന മാലിക്ക് രണ്ടാം ദിനം ഉച്ചഭക്ഷണത്തിനു പിരിയുമ്പോള്‍ 168 റണ്‍സുമായി പുറത്താകാതെ നില്‍ക്കുകയാണ്. രണ്ടാം വരവില്‍ ട്വന്റി-20യിലും ഏകദിനത്തിലും തകര്‍പ്പന്‍ പ്രകടനം പുറത്തെടുത്ത മാലിക്കിനു ടെസ്റ്റിലേയ്ക്കും വിളിയെത്തുകയായിരുന്നു.

സാനിയയുടെ സമീപകാലത്തെ നേട്ടങ്ങള്‍ മികച്ച പ്രകടനം നടത്താന്‍ തന്റെ മേല്‍ സമ്മര്‍ദ്ദമുണ്ടാക്കിയെന്നും മാലിക്ക് പറഞ്ഞു. ഞങ്ങള്‍ എല്ലാ ദിവസവും സംസാരിക്കാറുണ്ട്. മടങ്ങിവരവില്‍ മികച്ച പ്രകടനം പുറത്തെടുക്കാന്‍ കഴിഞ്ഞതില്‍ സാനിയയോട് നന്ദിയുണ്‌ടെന്നും മാലിക്ക് കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha