ബോളിവുഡ് സൂപ്പര്‍ താരം സഞ്ജയ് ദത്ത് മാസ്റ്റേഴ്‌സ് ചാമ്പ്യന്‍സ് ലീഗ് (എംസിഎല്‍) ട്വന്റി-20 ടീം ഫ്രാഞ്ചൈസി സ്വന്തമാക്കി. അടുത്ത വര്‍ഷം ആരംഭിക്കുന്ന മാസ്റ്റേഴ്‌സ് ചാമ്പ്യന്‍സ് ലീഗില്‍ ടീം സ്വന്തമാക്കുന്ന വിവരം സഞ്ജയ് ദത്തിന്റെ ഭാര്യ മാന്യതയാണ് അറിയിച്ചത്.

രാജ്യാന്തര ക്രിക്കറ്റില്‍നിന്ന് വിരമിച്ച താരങ്ങള്‍ അണിനിരക്കുന്ന എംസിഎലില്‍ പങ്കെടുക്കുമെന്ന് വിരേന്ദര്‍ സെവാഗ് ദുബായില്‍വച്ച് കഴിഞ്ഞ ദിവസം പ്രഖ്യാപിച്ചിരുന്നു. ഇതിനു പിന്നാലെയാണ് സെവാഗിന്റെ വിരമിക്കല്‍ പ്രഖ്യാപനം എത്തിയത്.

എംസിഎലിന്റെ ആദ്യ സീസണില്‍ ആറു ടീമുകളാവും ഉണ്ടാകുക. ദുബായ് ആസ്ഥാനമായാണ് ലീഗ് നടക്കുന്നത്. സച്ചിന്‍ തെന്‍ഡുല്‍ക്കര്‍, വിരേന്ദര്‍ സെവാഗ്, ആദം ഗില്‍ക്രിസ്റ്റ്, ബ്രയാന്‍ ലാറ, വസിം അക്രം, ജാക് കാലിസ്, കുമാര്‍ സംഗക്കാര, മഹേല ജയവര്‍ധന, റിക്കി പോണ്ടിംഗ് എന്നി മുന്‍ പ്രമുഖരെ ഇതിനോടകം മാര്‍കീ താരങ്ങളായി പ്രഖ്യാപിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha