ബൗളിംഗ് പോലെ മനോഹരം… കളര്ഫുളായി ഒരു കല്യാണം
ഇന്ത്യന് ക്രിക്കറ്റ് താരം ഹര്ഭജന് സിങ്ങിന്റെയും ബോളിവുഡ് താരം ഗീത ബസ്രയുടെയും വിവാഹം ഹര്ഭജന്റെ ബൗളിംഗ് പോലെ മനോഹരമായി. വിരുന്നിന് എത്തിയതാകട്ടെ പ്രധാനമന്ത്രി നരേന്ദ്ര മോദിയുള്പ്പെടെയുള്ള വി.വി.ഐ.പികള്. ഒക്ടോബര് 29ന് പരമ്പരാഗത രീതിയില് നടന്ന വിവാഹത്തിന് ശേഷം ന്യൂഡല്ഹിയിലെ താജ് പാലസില് വിശിഷ്ടാതിഥികള്ക്കായി ഇന്നലെ വിരുന്ന് സംഘടിപ്പിക്കുകയായിരുന്നു.
ലക്ഷങ്ങള് മുടക്കി ഡിസൈന് ചെയ്ത പ്രത്യേക വസ്ത്രങ്ങളണിഞ്ഞാണ് ഹര്ഭജനും ഗീതയും ചടങ്ങിനെത്തിയത്. ദ ട്രെയിന്, സെക്കന്ഡ്ഹാന്ഡ് ഹസ്ബന്ഡ് തുടങ്ങിയ സിനിമകളില് അഭിനയിച്ചിട്ടുള്ള ഗീത, നീല നിറത്തിലുള്ള മിറര് വര്ക്ക് ചെയ്ത ലെഹംഗയാണ് അണിഞ്ഞിരുന്നത്. വെല്വറ്റ് ഷെര്വാണി കുര്ത്തയില് ഹര്ഭജനും സിനിമാ താരത്തെ അനുസ്മരിപ്പിച്ചു.
വി.വി.ഐ.പികളുടെ നീണ്ട നിരയാണ് വിരുന്നിനെത്തിയത്. പ്രധാനമന്ത്രി നരേന്ദ മോദിയുടെ സാന്നിധ്യം ഏറെ ശ്രദ്ധേയമായി. മുന് പ്രധാനമന്ത്രി മന്മോഹന് സിങ്ങും ചടങ്ങിനെത്തിയിരുന്നു. ക്രിക്കറ്റ് ലോകത്തുനിന്ന് അനില് കുംബ്ലെ, കപില് ദേവ്, വീരേന്ദര് സെവാഗ്, എം.എസ്.ധോനി എന്നിവരും ചടങ്ങിനെത്തിയിരുന്നു.ചേതന് ചൗഹാന്, മുനാഫ് പട്ടേല്, രാജീവ് ശുക്ല, രവിശാസ്ത്രി, വരുണ് ആരോണ്, ചേതേശ്വര് പുജാര, മുരളി വിജയ് എന്നിവരും ചടങ്ങിന് പ്രൗഢി സമ്മാനിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
