ഇറ്റാലിയന്‍ ടയര്‍ നിര്‍മ്മാതാക്കളായ പിറേലിയുടെ കലണ്ടര്‍ അരനൂറ്റാണ്ടായി ശ്രദ്ധ നേടിയിരുന്നത് അതില്‍ പ്രത്യക്ഷപ്പെട്ടിരുന്ന ഗ്ലാമര്‍ സുന്ദരികള്‍ കാരണമാണ്. കമ്പനിയുടെ 2016 കലണ്ടറില്‍ ടെന്നീസ്‌റാണി സെറീനാ വില്യംസിന്റെ അര്‍ദ്ധനഗ്‌നതയാണ് ചലനമുണ്ടാക്കുന്നത്. കലണ്ടറിന്റെ 43-ാം എഡീഷനില്‍ സെറീനയ്ക്ക് പുറമേ ഹോളിവുഡ് കോമഡിതാരം ആമി ഷുമറും തുണിയഴിച്ചാണ് പോസ് ചെയ്തിരിക്കുന്നത്.

ഔട്ട്സ്റ്റാന്റിംഗ് വിഭാഗത്തില്‍ നില്‍ക്കുന്ന 13 സ്ത്രീകളാണ് കലണ്ടറില്‍. എഴുത്തുകാരി ഫ്രാന്‍ ലെബോവിറ്റ്‌സ്, സെല്‍മാ സംവിധായിക അവാ ഡു വെര്‍നേ, ഇറാനിയന്‍ കലാകാരി ഷിറിന്‍ നേഷാറ്റ്, പാറ്റി സ്മിത്ത്, നടി യാവോ ചെന്‍, ടാവി ഗവിന്‍സണ്‍, കലാകാരി യോകോ ഓനോ, റോക്ക് താരം പാറ്റി സ്മിത്ത് എന്നിവര്‍ അവരില്‍ ചിലരാണ്. അല്‍പ്പ വസ്ത്ര സൂപ്പര്‍മോഡലുകളുടെ പതിവിന് വിപരീതമായി ഇറ്റാലിയന്‍ ടയര്‍ കമ്പനി സെലിബ്രിറ്റി, ഫാഷന്‍, സാംസ്‌ക്കാരിക പ്രവര്‍ത്തകര്‍ എന്നിവരെ ഒന്നിപ്പിക്കുന്ന ഒരു തീമിലാണ് ഇത്തവണ കലണ്ടര്‍ അവതരിപ്പിക്കുന്നത്.
അമ്പത് വര്‍ഷമായി അല്‍പ്പവസ്ത്ര ധാരിണികളായിരുന്ന സൂപ്പര്‍ മോഡലുകളെ വെച്ച് കലണ്ടര്‍ ചെയ്തിരുന്ന പിറേലി ഇത്തവണ വ്യത്യസ്തമാകാന്‍ തീരുമാനിക്കുകയായിരുന്നു. ഇതിന്റെ ഭാഗമായി സമീപിച്ചത് പ്രമുഖ വനിതാ ഫോട്ടോഗ്രാഫര്‍ ആനി ലീബോവിറ്റ്‌സിനെയായിരുന്നു. ഇവരുടെ വ്യത്യസ്ത ആശയങ്ങളില്‍ വനിതാകരുത്തിന്റെ പ്രതീകമായ സെറീനയുടേയും കൊമേഡിയന്‍താരം ആമിയുടേയും അര്‍ദ്ധ നഗ്‌നത ഉപയോഗിക്കാന്‍ തീരുമാനിക്കുകയായിരുന്നു. അതേസമയം ചൈനീസ് നടി ചൈനീസ്‌നടി യാവോ ചെന്‍ ഉള്‍പ്പെടെ മറ്റുള്ളവരെ പൂര്‍ണ്ണ വസ്ത്രത്തിലാണ് ചിത്രീകരിച്ചിട്ടുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha