അറേബ്യന്‍ സ്റ്റൈല് മട്ടന്‍ ബിരിയാണി
വളരെ രുചിപ്രദമായ ഒരു വിഭവമാണ് മട്ടണ്‍ ബിരിയാണി. ഈ അറേബ്യന്‍ സ്റ്റൈല് എല്ലാവര്‍ക്കും വളരെ ഇഷ്ടമാകും.
ചേരുവകള്‍
ബിരിയാണി അരി 2 കപ്പ്
മട്ടന്‍ 1 കിലോ
വെണ്ണ ഉരുക്കിയത് 2 ടേബിള്‍സ്പൂണ്‍
സവാള 2 എണ്ണം
ഇഞ്ചി 1 കഷ്ണം
വെളുത്തുള്ളി 10 അല്ലി
കറുവാപട്ട പൊടിച്ചത് 1 സ്പൂണ്‍
കുങ്കുമപൂവ് 1 നുള്ള്
മഞ്ഞള്‍പൊടി 1
മുളക്‌പൊടി 1 ടീസ്പൂണ്‍
കൊഴുപ്പില്ലാത്ത തൈര് 1/2 കപ്പ്
ഉപ്പ് പാകത്തിന്
കുരുമുളകുപൊടി ആവശ്യത്തിന്
ബദാം 10 എണ്ണം
ഉണക്ക മുന്തിരി 8 എണ്ണം
മല്ലിയില 1 പിടി
തയ്യാറാക്കുന്ന വിധം
അരി കുങ്കുമപൂവ്, മഞ്ഞള്‍പൊടി എന്നിവ ചേര്‍ത്ത് വേവിച്ചുവെയ്ക്കുക. ഒരു ടേബിള്‍ സ്പൂണ്‍ വെണ്ണ ഒരു പാനില്‍ ചൂടാക്കുക. അതിലേക്ക് സവാള, വെളുത്തുള്ളി, കറുവാപ്പട്ട, മഞ്ഞള്‍പൊടി, മുളക്‌പൊടി എന്നിവ ചേര്‍ത്ത് നന്നായി വഴറ്റുക. ഇത് തണുത്തതിന് ശേഷം തൈര് ചേര്‍ത്ത് മിക്‌സിയില്‍ അടിച്ചുവെയ്ക്കുക.
മട്ടന്‍ ഉപ്പ്, കുരുമുളക് എന്നിവ ചേര്‍ത്ത് വെണ്ണയില്‍ നന്നായി മൊരിച്ചെടുക്കുക. ഇതിലേക്ക് അരച്ചുവെച്ചിരിക്കുന്ന മിശ്രിതം ചേര്‍ത്ത് നന്നായി യോജിപ്പിക്കുക. ഇത് വേവിച്ചെടുക്കുക. മട്ടന്‍ വേവിച്ചു വെച്ചിരിക്കുന്ന ബിരിയാണി ചോറുമായി ചേര്‍ത്ത് നന്നായി യോജിപ്പിക്കുക. ഇത് അലൂമിനിയം ഫോയില്‍ കൊണ്ട് മൂടി ഇരുപത്തി അഞ്ചു മിനുറ്റ് ഓവനില്‍ വേവിച്ചു എടുക്കുക. ബദാം, ഉണക്ക മുന്തിരി, മല്ലിയില എന്നിവ ഇതിന് മുകളില്‍ ചേര്‍ക്കുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
