ചേരുവകള്‍:

പാല്‍ ഒരു ലിറ്റര്‍
മൈദ 250 ഗ്രാം
പഞ്ചസാര 750 ഗ്രാം
നെയ്യ് 200 ഗ്രാം
ചൗവ്വരി 125 ഗ്രാം
അണ്ടിപ്പരിപ്പ് പത്തു ഗ്രാം
തയ്യാറാക്കുന്നവിധം:

പഞ്ചസാര കുറച്ചുവെള്ളം ചേര്‍ത്ത് ലായനിയാക്കി അരിച്ചെടുക്കുക. മൈദയും കുഴമ്പുരൂപത്തിലാക്കി അരിച്ചെടുക്കുക. ചൗവ്വരി വേവിച്ച് തുണിയിലൂടെ പിഴിഞ്ഞെടുക്കുക. പാല്‍ ഓട്ടുരുളിയിലൊഴിച്ച് ചൂടായ ശേഷം തയാറാക്കിയ മിശ്രിതങ്ങള്‍ ഓരോന്നായി ചേര്‍ക്കുക. അടിയിലും വശങ്ങളിലും പറ്റിപ്പിടിക്കാതിരിക്കാന്‍ നന്നായി ഇളക്കണം. മിശ്രിതം കുറുകുന്നതിനനുസരിച്ച് നെയ്യ് അല്‍പാല്‍പമായി ചേര്‍ത്തിളക്കണം. പാത്രത്തിന്റെ വശങ്ങളില്‍ പറ്റിപ്പിടിക്കാതെ ഇളകിവരുന്ന പാകമായാല്‍ അടുപ്പില്‍ നിന്നിറക്കാം. നെയ്യ് പുരട്ടിയ പരന്ന പാത്രത്തിലേക്ക് ഈ മിശ്രിതം മാറ്റി ഒരേ കനത്തിലാക്കണം. അതിനുമുമ്പ് വറുത്തുകോരിയ അണ്ടിപ്പരിപ്പ് പാത്രത്തിനടിയില്‍ വിതറണം. തണുത്തശേഷം ആവശ്യമുള്ള ആകൃതിയില്‍ മുറിച്ചെടുത്ത് വിളമ്പാം. ഒരു ലിറ്റര്‍ പാലില്‍നിന്ന് രണ്ടു കിലോഗ്രാം ഹല്‍വ കിട്ടും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha