ചിക്കന്‍ ഇഷ്ടപ്പടുന്നവര്‍ക്കായ് ഇതാ പുതിയ ഒരു ചിക്കന്‍ വിഭവം.. ചിക്കന്‍ ബോള്‍ കറി
ആവശ്യമുള്ള സാധനങ്ങള്‍:
ചിക്കന്‍ (കൊത്തിയരിഞ്ഞത്) - 1 കിലൊ
ചിക്കന്‍ സ്‌റ്റോക്ക് - 300 മി.ലി
ഉള്ളി (ചെറുതായി അരിഞ്ഞത്) - രണ്ടെണ്ണം
പച്ചമുളക് (കൊത്തിയരിഞ്ഞത്) - രണ്ടെണ്ണം
ഇഞ്ചി (ചെറുതായി അരിഞ്ഞത്) - ഒരു ടേബിള്‍സ്പൂണ്‍
തക്കാളി (ചെറുതായി അരിഞ്ഞത്) - 500 ഗ്രാം
നാരങ്ങാനീര് - ഒരു ടേബിള്‍സ്പൂണ്‍
മുട്ട (നന്നായി അടിച്ചു പതപ്പിച്ചത്) - ഒരെണ്ണം
മല്ലിയില (അരിഞ്ഞത്) - രണ്ട് ടേബിള്‍സ്പൂണ്‍
ബ്രഡ് ക്രമ്പ്‌സ് - (ഒരു കപ്പ്)
ഗരംമസാല - 2 ടീസ്പൂണ്‍
ഒലിവ് ഓയില്‍ - 2 ടേബിള്‍സ്പൂണ്‍
തേങ്ങാപ്പാല്‍ - 1 കപ്പ്
ബ്രൗണ്‍ ഷുഗര്‍ - 3 ടീസ്പൂണ്‍
തയാറാക്കുന്ന വിധം:
200 ഡിഗ്രിസെല്‍ഷ്യസില്‍ ഓവന്‍ ചൂടാക്കുക. കൊത്തിയരിഞ്ഞ ചിക്കനൊപ്പം ഉള്ളി, ബ്രഡ്‌പൊടി, പച്ചമുളക്, ഗരം മസാല, മല്ലിയില, ഇഞ്ചി, മുട്ട, ഒരു ടീസ്പൂണ്‍ ഉപ്പ് എന്നിവ ചേര്‍ക്കുക. നന്നായി ഇളക്കിയോജിപ്പിക്കുക. അതിനു ശേഷം ചെറിയ ചെറിയ ഉരുളകളാക്കുക. ഒരു സിംഗിള്‍ ലെയര്‍ ബേക്കിംഗ് പേപ്പറിട്ട ട്രേയുടെ മുകളിലേക്ക് ഇത് വയ്ക്കുക. ലൈറ്റ് ഗോള്‍ഡന്‍ നിറമാകുന്നതു വരെ 15 മിനിറ്റ് ബേക്ക് ചെയ്യുക.
ചൂടായ പാനില്‍ എണ്ണയൊഴിച്ച് ഇഞ്ചി ഇട്ട് വഴട്ടുക. ഒരു മിനിറ്റിന് ശേഷം തക്കാളി ചേര്‍ക്കുക. രണ്ടു മിനിറ്റ് കഴിയുമ്പോള്‍ തേങ്ങാപ്പാലും ചിക്കന്‍ സ്‌റ്റോക്കും പഞ്ചസാരയുമിട്ട് നന്ന്യി ഇളക്കിക്കൊടുക്കുക. തിളച്ചു തുടങ്ങുമ്പോള്‍ തീ കുറച്ച് അഞ്ചു മിനിറ്റ് വയ്ക്കുക. അതിലേക്ക് ബേക്കു ചെയ്ത ചിക്കന്‍ ബൗളുകള്‍ പൊടിറഞ്ഞ് പോകാതെ ഇടുക. ഇതലേക്ക് 15 മിനിറ്റ് കഴിയുമ്പോള്‍ നാരങ്ങാനീര് ഒഴിക്കുക. മല്ലിയില ഇട്ട് ചൂടോടെ വിളമ്പാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
