ചിക്കന്‍ സ്റ്റഫ്ട് കേക് ആവശ്യമുള്ള സാധനങ്ങള്‍:

ചിക്കന്‍ - 200ഗ്രാം
മൈദ - ഒന്നര കപ്പ്
മുട്ട - 3എണ്ണം
പാല്‍ - 1കപ്പ്
ബ്രെഡ് - 9 എണ്ണം
സണ്‍ഫ്‌ളവര്‍ ഓയില്‍ - 2 ടേബ്ള്‍ സ്പൂണ്‍
ഉപ്പ് പാകത്തിന്
മല്ലിയില, കറിവേപ്പില
സവാള - 1 എണ്ണം
ഇഞ്ചി,വെളുത്തുള്ളി - 1ടീസ്പൂണ്‍ (ചതച്ചത്)
കുരുമുളക് പൊടി ആവശ്യത്തിന്.

തയ്യാറാക്കുന്ന വിധം:

ചട്ടിയില്‍ എണ്ണ ഒഴിച്ച് വലിയ ഉള്ളി വയറ്റി അതിലേക്ക് ഉപ്പിട്ട് വച്ച് ചിക്കന്‍ ചെറുതായി നുള്ളിയിട്ട് ചേര്‍ക്കുക. ആവശ്യത്തിന് ഉപ്പും കുരുമുളക്‌പൊടിയും ചേര്‍ക്കുക. ശേഷം മുട്ട, പാല്‍, ഓയില്‍, മൈദ, മല്ലിയില, കറിവേപ്പില, ഉപ്പ് എല്ലാം മിക്‌സിയില്‍ നന്നായി അടിക്കുക. ഇതിനു ശേഷം കുക്കര്‍ അടുപ്പത്ത് വച്ച് ഓയില്‍ ഒഴിച്ച് മിക്‌സിയില്‍ അടിച്ച കൂട്ട് പകുതി ഒഴിക്കുക. അതിനു മുകളില്‍ മാവ് കാണാത്ത വിധം ബ്രെഡ് നിരത്തുക. അതിനു മുകളില്‍ ചിക്കന്‍ കൂട്ട് നിരത്തുക. വീണ്ടും ബ്രെഡ് നിരത്തുക. മുകളില്‍ ബാക്കിയുള്ള മാവ് ബ്രെഡ് കാണാത്ത വിധം ഒഴിക്കുക. കുക്കര്‍ വെയ്റ്റിടാതെ മൂടി മറ്റൊരു പാത്രം അടുപ്പില്‍ വച്ച് അതിന്റെ മുകളില്‍ (ഉള്ളില്‍) കുക്കര്‍ വെച്ച് ചെറു തീയില്‍ 20 മിനിട്ട് വെയ്ക്കുക. അടിയില്‍ പാത്രം വക്കാതെ കുക്കര്‍മാത്രം വച്ചാല്‍ അടികരിയാന്‍ സാധ്യത ഉണ്ട്. അത് കൊണ്ടാണു അടിയില്‍ മറ്റൊരു പാത്രം വക്കുന്നത്. ചിക്കന്‍ സ്റ്റഫ്ട് കേക് തയ്യാര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha