നാവിലലിഞ്ഞു ചേരുന്ന രുചി! അതാണ് രാമശേരി ഇഡലി.പാലക്കാട് ജില്ലയിലെ രാമശേരിയെ പ്രശസ്തമാക്കുന്നത് ഈ രുചി തന്നെയാണ്. തമിഴ് ബ്രാഹമ്ണ വിഭാഗത്തിലെ മുതലിയാര്‍ കുടുംബമാണ് രാമശേരി ഇഡ്‌ലിയെ അവതരിപ്പിച്ചത്. പാകം ചെയ്ത ഈ ഇഡ്‌ലി ഏഴു ദിവസം വരെ കേടുവരാതെയിരിക്കും.

ഒരു സ്ഥലം പ്രശസ്തമാകുന്നത് പലരീതിയിലാണ്. പ്രകൃതി സൗന്ദര്യംകൊണ്ട്, പ്രശസ്തരുടെ ജന്മം കൊണ്ട്, അവരുടെ ജീവിതം കൊണ്ട്. സ്വന്തം സ്ഥലം പേരിനോടൊപ്പം ചേര്‍ത്ത് തന്നോടൊപ്പം നാടിനേയും പ്രശസ്തമാക്കിയ എത്രയോപേരുണ്ട്. എന്നാല്‍ ഇതൊന്നുമില്ലാതെ ഒരു ഗ്രാമം അറിയപ്പെടുന്നത് വിചിത്രമായ രീതിയിലാണ്.

പാലക്കാട് കോയമ്പത്തൂര്‍ നാഷണല്‍ ഹൈവേയും പാലക്കാട് പൊള്ളാച്ചിപ്പാതയേയും ബന്ധിപ്പിക്കുന്ന പുതുശേരി കുന്നാച്ചി റോഡ്. അവിടെയാണ് രാമശ്ശേരി. അവിടെയാണ് രാമശ്ശേരി. അവിടെ വരവേല്‍ക്കാനിരിക്കുന്നത് മറ്റൊന്നുമല്ല, ഇഡ്ഡലിയാണ്.  തമിഴ്‌നാട്ടിലെ മുതലിയാര്‍ വിഭാഗത്തില്‍പ്പെട്ടവരാണ് രാമശ്ശേരി ഇഡ്ഡിലിയുടെ സ്രഷ്ടാക്കള്‍. ജീവിക്കാന്‍വേണ്ടി കണ്ടെത്തിയ മാര്‍ഗം. പാലക്കാട്ട് അന്ന് നെല്‍കൃഷി വളരെ വ്യാപകമായിരുന്നു. കൃഷിപ്പണിക്കാര്‍ക്ക് കൃഷിയിടങ്ങളില്‍കൊണ്ട് പോയി വില്‍പ്പന നടത്തിക്കൊണ്ടായിരുന്നു തുടക്കം. പ്രത്യേക രീതിയില്‍ ഉണ്ടാക്കിയ ഇഡ്ഡലി കര്‍ഷകതൊഴിലാളികള്‍ക്കും വളരെ ഇഷ്ടമായി.

പാലക്കാടന്‍ ഇഡ്ഢിലിയില്‍ നിന്നും തികച്ചും വ്യത്യസ്തമായിരുന്നു രാമശ്ശേരി ഇഡ്ഡലി. അത് ക്ലിക്കായി. കാഴ്ചയില്‍ ഒരു മിനി ദോശ പോലെ. ഇപ്പോള്‍ രാമശ്ശേരിയിലെ നാല് മുതലിയാര്‍ കുടുംബങ്ങള്‍ ആണ് ഈ ഇഡലി ഉണ്ടാകുന്നുള്ളൂ. ദിവസം 2000 മുതല്‍ 5000 ഇഡ്ഡലി വരെ വിറ്റു പോകുന്നുണ്ടെന്നു ഇവര്‍ അവകാശപ്പെടുന്നു.

ഈ രുചിയുടെ സ്വാദുകൂട്ട് രാമശേരിക്ക് സ്വന്തം. രാമശ്ശേരി ഇഡ്ഡലിയുടെ രഹസ്യം വെളിയില്‍ വിടില്ല. പക്ഷേ ചേരുവ ഇങ്ങനെയാണ്.

രാമശേരി ഇഡ്ഡലിക്ക് ആവശ്യമായ സാധനങ്ങള്‍
പൊന്നി അരി ഒരു കിലോ
ഉഴുന്ന് പരിപ്പ് ഒരു പിടി
ഉലുവ 50 ഗ്രാം
തയാറാക്കുന്ന വിധം
മൂന്നു ചേരുവകളും യോജിപ്പിച്ചു നന്നായി അരച്ചെടുക്കുക. ഈ മാവ് പുളിക്കാന്‍ വച്ചശേഷം പിറ്റേ ദിവസം ഇഡ്ഡലി ഉണ്ടാക്കുന്നതാണ് നല്ലത്. വിറകടുപ്പില്‍ അതും പുളി മരത്തിന്റെ വിറകുപയോഗിച്ച് കത്തിച്ചുണ്ടാക്കുന്നതിലാണ് രാമേശ്വരം ഇഡ്ഡലിയുടെ രുചി കൂടുന്നത് എന്നു പറയുന്നു . മണ്‍പാത്രത്തിന്റെ മുകളില്‍ നുല് തലങ്ങനെയും വിലങ്ങനെയും കെട്ടി വച്ചതിന്റെ മുകളില്‍ തുണി വിരിക്കും അതിനു മുകളിലാണ് മാവ് കോരി ഒഴിക്കുന്നത്. തൊട്ടുമുകളില്‍ നൂല് കെട്ടിയ മറ്റൊരു തട്ട് വയ്ക്കും. അതിനു മുകളിലും മാവ് ഒഴിക്കും. ഇങ്ങനെ അഞ്ച് എണ്ണം വരെ വയ്ക്കാം. ആവി പുറത്തു പോകാത്ത രീതിയില്‍ ഒരു പാത്രം കൊണ്ട് മൂടണം. നന്നായി വെന്ത ശേഷം ഇറക്കിവച്ച് ഒരോന്നായി ഇളക്കിയെടുക്കാം. ചട്‌നിയാണ് രാമേശ്വരം ഇഡ്ഡലിയുടെ ബെസ്റ്റ് കോംപിനേഷന്‍.