ചിക്കന് പോപ്കോണ്
കുട്ടികളും മുതിര്ന്നവരും ഒരുപോലെ ഇഷ്ടപ്പെടുന്ന ഒരു ഭക്ഷണമാണ് പോപ്കോണ്. ചിക്കന് ഉപയോഗിച്ചും പോപ്കോണ് തയ്യാറാക്കാം. ചിക്കന് പോപ്കോണ് തയ്യാറാക്കുന്നതെങ്ങനെയെന്നു നോക്കൂ,
ചിക്കന് അരക്കിലോ
അരിപ്പൊടി 5 ടീസ്പൂണ്
മൈദ5 ടീസ്പൂണ്
കോണ്ഫ്ലവര് 3-4 ടീസ്പൂണ്
മുട്ട 2
മോര്1 കപ്പ്
ഇഞ്ചിവെളുത്തുള്ളി പേസ്റ്റ്1-2 ടീസ്പൂണ്
കുരുമുളകുപൊടി 2 ടീസ്പൂണ്
സോയാസോസ്2 ടീസ്പൂണ്
വിനീഗര് 2 ടീസ്പൂണ്
ഉപ്പ്
ബ്രെഡ് ക്രംമ്പ്സ്
വെജിറ്റബിള് ഓയില്
തയ്യാറാക്കുന്ന വിധം
ചിക്കന് കഴുകി വൃത്തിയാക്കി ചെറിയ കഷ്ണങ്ങളാക്കുക. ഇതില് മോരു പുരട്ടി 10 മിനിറ്റു വയ്ക്കുക. പിന്നീട് ഇതിലേയ്ക്ക് ഇഞ്ചിവെളുത്തുള്ളി പേസ്റ്റ്, സോയാസോസ്, വിനീഗര് എന്നിവ ഇളക്കി പുരട്ടി 1 മണിക്കൂല് വയ്ക്കുക. ഒരു മണിക്കൂല് കഴിഞ്ഞ് കോണ്ഫ്ലവര്, മൈദ, അരിപ്പൊടി, കുരുമുളകുപൊടി, ഉപ്പ് എന്നിവ കലര്ത്തി ഇതിലേയ്ക്കു ചിക്കന് കഷണങ്ങള് ചേര്ത്തിളക്കി വയ്ക്കണം. മുട്ട പൊട്ടിച്ചൊഴിച്ച് നല്ലപോലെ ഇളക്കുക. ചിക്കന് കഷ്ണങ്ങള് ഓരോന്നു വീതം മുട്ടയില് മുക്കി പിന്നീട് ബ്രെഡ് ക്രംമ്പിലിട്ടിളക്കി വെജിറ്റബില് ഓയില് തിളപ്പിച്ചു വറുത്തെടുക്കുക. ചിക്കന് പോപ്കോണ് തയ്യാര്.
https://www.facebook.com/Malayalivartha