റെഡ് വൈനും വൈറ്റ് വൈനുമല്ല ഇനി ബ്ലൂ വൈന്
സ്പാനിഷ് വൈന് നിര്മ്മാതാക്കളായ ജിക് ആണ് ഇന്ദ്രനീലത്തിന്റെ നിറത്തില് ബ്ലൂ വൈനുമായി രംഗ പ്രവേശം ചെയ്യുന്നത്. ചില്ഡ് വൈന് രുചുയില് മികച്ചു നില്ക്കുന്നുവെന്നാണ് ഇവരുടെ വാദം.
ഇനി വൈനിന് ഈ തരിപ്പിക്കുന്ന നീല നിറം എങ്ങനെയുണ്ടായി എന്ന് സംശയിക്കുന്നവരുണ്ടാകും. ഇവരോടായി ജിക് അറിയിക്കുന്നത് എല്ലാം നാച്യുറലാണെന്നാണ്. ചുവന്ന മുന്തിരിയും പച്ച മുന്തിരിയും തന്നെയാണ് വൈന് നിര്മ്മിക്കാന് ഉപയോഗിക്കുന്നതത്രേ. മുന്തിരിയുടെ പുറംതോലിലുള്ള ഓര്ഗാനിക് വര്ണ്ണ ഘടകങ്ങളായ ഇന്ഡിഗോയും അന്തോസൈനിനുമാണ് ഈ നീലനിറത്തിന് സഹായിക്കുന്നത് എന്നാണ് ജിക് കമ്പനി പറയുന്നത്. ഇവയുടെ പ്രത്യേക കോമ്പിനേഷനാണ് ഈ മനോഹര നീല നിറത്തിന് പിന്നില്
10 യൂറോ ഏകദേശം 765 രൂപ വരും ഇതിന്റെ ഒരു ബോട്ടലിന് . സ്പെയിനില് 2015ല് ആണ് ബ്ലൂ വൈന് ആദ്യമായി പുറത്തിറക്കിയത്. ഇപ്പോള് ജിക് കമ്പനി യൂറോപ്പിലെ മറ്റു രാജ്യങ്ങളിലേക്കും വിപണനം വ്യാപിപ്പിക്കുകയാണ്. ഫ്രാന്സിലും ഇംഗ്ലണ്ടിലും ജര്മ്മിനിയിലുമെല്ലാം ബ്ലൂ വൈന് എത്തും. എന്നാല് ഇന്ത്യയില് എന്നാണ് ബ്ലൂ വൈനുമായി ജിക് എത്തുകയെന്നത് അറിയാന് കാത്തിരിക്കേണ്ടി വരും.
https://www.facebook.com/Malayalivartha