നാടന് മട്ടന് കറി
സ്വാദേറിയ മട്ടന് കറി ഉണ്ടാക്കാന് പഠിക്കൂ.
ചേരുവകള്
ആട്ടിറച്ചി: ഒരു കിലോ
വലിയ രണ്ട് സവാള: ചെറുതായി അരിഞ്ഞത്
തക്കാളി: ഒന്ന് ചെറുതായി അരിഞ്ഞത്
ജിഞ്ചര് ഗാര്ലിക് പേസ്റ്റ്: അല്പം
വെളുത്തുള്ളി: പത്ത് അല്ലിയോളം ചതച്ചത്
മഞ്ഞള് പൊടി: അര ടേബിള് സ്പൂണ്
മുളകുപൊടി: രണ്ട് സ്പൂണ്
മല്ലിപ്പൊടി: രണ്ട് ടേബിള് സ്പൂണ്
ഖരംമസാല അല്പം കസ്കസ് ചേര്ത്തത്: ഒന്നര ടേബിള് സ്പൂണ്
ഉരുള കിഴങ്ങ്: രണ്ടെണ്ണം വലുതായി അരിഞ്ഞത്
കറപ്പയില: മൂന്നെണ്ണം
തയ്യാറാക്കുന്ന വിധം:
ഒരു പാനില് എണ്ണ ചൂടായ ശേഷം അതിലേക്ക് സവാളയും കറിവേപ്പിലയും ഇട്ട് ബ്രൗണ് നിറമാകുന്നതുവരെ വഴറ്റിയെടുക്കുക.
ഇതിലേക്ക് ബാക്കിയുള്ള മഞ്ഞള്പ്പൊടിയും ജിഞ്ചര് ഗാര്ലിക് പേയ്സ്റ്റും വെളുത്തുള്ളി ചതച്ചതും ചേര്ത്ത് വഴറ്റുക.
പിന്നീട് മല്ലിപ്പൊടിയും മുളകുപൊടിയും ചേര്ത്ത് ഇളക്കാം. ഇതിലേക്ക് തക്കാളിയും ഉപ്പും ചേര്ത്ത് ചെറുതായി ഇളക്കിശേഷം ആട്ടിറച്ചി ഇതിലേക്ക് ഇട്ട് അല്പം വെള്ളവും ചേര്ത്ത് വേവിക്കുക.
തിളച്ചശേഷം ഒന്ന് ഇളക്കി കൊടുക്കുക. തീ കുറച്ചുവേവിക്കുന്നതാണ് നല്ലത്. ഇതിലേക്ക് കറുപ്പയിലെ ഇടുക. മുക്കാല് ഭാഗം വേവായാല് ഇതിലേക്ക് ഉരുളക്കിഴങ്ങ് ചേര്ത്തിളക്കുക.
തീ നന്നായി കുറയ്ക്കുക. ഉരുളക്കിഴങ്ങും ഇറച്ചിയും നന്നായി വെന്തശേഷം വാങ്ങിവെക്കാം
tips: മട്ടന്റെ ഉളുമ്പ് മണം മാറ്റുവാന് രണ്ടു കഷണം കുടംപുളി ഇട്ടു കഴുകിയാല് മതി.
https://www.facebook.com/Malayalivartha