ഈസി സാലഡ്സ്
അഞ്ചുമിനിറ്റിനുള്ളില് രുചികരമായ സാലഡ് ഉണ്ടാക്കാം. പച്ചക്കറികളും പഴങ്ങളും ചേര്ത്ത് നമുക്ക് ഇഷ്ടമുള്ള രുചികളില് സാലഡ് തയ്യാറാക്കാം.ഇതാ ചില സാലഡ് ഐറ്റംസ്.
വെജിറ്റബിള് സാലഡ്
കാബേജ്, സവാള, വെള്ളരി, കാരറ്റ്, റാഡിഷ്, തക്കാളി, പേരയ്ക്ക, ആപ്പിള് ഇവ ചെറുതായി അരിയുക. ഇതില് രണ്ടു സ്പൂണ് നാരങ്ങാനീര്, ഉപ്പ് എന്നിവ ചേര്ത്ത് ഇളക്കുക. മല്ലിയില ചേര്ത്ത് അലങ്കരിക്കുക
ഫ്രൂട്ട് സാലഡ്
ചെറുപഴം, ആപ്പിള്, മാമ്പഴം, മുന്തിരി, അനാര്, ചെറി, പേരയ്ക്ക എന്നിവ ചെറുതായി മുറിച്ച് നാരങ്ങാനീര് പുരട്ടുക. അരകപ്പ് പഞ്ചസാരയില് കുറച്ചുവെള്ളം ചേര്ത്ത് തിളപ്പിച്ച് പാനിയാക്കുക. തണുത്തു കഴിയുമ്പോള് അരിഞ്ഞുവെച്ച പഴങ്ങളില് ചേര്ത്തിളക്കുക. ഫ്രിഡ്ജില് വെച്ച് തണുപ്പിച്ച് വിളമ്പാം.
പാവയ്ക്കാ സാലഡ്
ഷുഗറും പ്രഷറും ഒക്കെ ഉള്ളവര്ക്ക് പാവയ്ക്കാ നല്ല ഔഷധമാണ് എന്ന് എല്ലാവര്ക്കും അറിയാവുന്ന കാര്യാമാണ്.പാവയ്ക്കായുടെ കയ്പാണ് പ്രശ്നം !! പാവയ്ക്കയും രുചിയോടെ സാലഡ് രൂപത്തില് കഴിക്കുവാനുള്ള ഒരു റെസിപി ചുവടെ ചേര്ക്കുന്നു.
നല്ല ഫ്രഷ് പാവയ്ക്കാ : 3 എണ്ണം
തക്കാളി : 2 എണ്ണം
സവാള : 1 എണ്ണം
പച്ച മുളക് എരിവുള്ളത് : 3 എണ്ണം
നാരങ്ങാ നീര് : 2 ടേബിള് സ്പൂണ്
മല്ലിയില്ല : 1 ബഞ്ച്
ഒലിവ് ഓയില് : 4 ടേബിള് സ്പൂണ് ( കൊളസ്ട്രോള് ഇല്ലാത്ത ഇതു എണ്ണയും ഉപയോഗിക്കാം )
ഉപ്പു : പാകത്തിന്
ഉണ്ടാക്കുന്ന വിധം : പാവയ്ക്കാ രണ്ടായി നെടുകെ കീറി അതിന്റെ കുരുവും ഒക്കെ കളഞ്ഞു നല്ല സ്ലൈസ് ആയി അരിയുക.തക്കാളിയും പച്ച മുളകും മല്ലിയിലയും നല്ല ചെറുതായി അരിയുക . സവാള സ്ലൈസ് ആയി അരിയുക.അടുപ്പില് െ്രെഫ പാന് വച്ച് ഒലിവ് ഓയില് ഒഴിച്ച് ചെറിയ ചൂടില് അരിഞ്ഞു വച്ചിരിക്കുന്ന പാവയ്ക്കാ ഏകദേശം ഗോള്ഡന് നിറത്തില് വറുത്തു കോരി വയ്ക്കുക.അതിനു ശേഷം ഒരു ബൌളില് സ്ലൈസ് ചെയ്തു വച്ചിരിക്കുന്ന സവാളയും ചെറുതായി അരിഞ്ഞ തക്കാളി,പച്ച മുളക്,മല്ലിയില എന്നിവ ചേര്ത്ത് നാരങ്ങാ നീരും ഉപ്പും ചേര്ത്ത് നല്ലവണ്ണം ഞരടുക . പാവയ്ക്കാ സാലഡ് റെഡി ..
https://www.facebook.com/Malayalivartha