നേന്ത്രപ്പഴം പ്രഥമന്
മലയാളികളുടെ ഏറ്റവും പ്രിയപ്പെട്ട ആഘോഷമാണ് ഓണം.ലോകത്തിന്റെ ഏതു കോണിലായാലും ഓണവും ഓണസദ്യയും മലയാളിക്കെന്നും പ്രിയപ്പെട്ടതുതന്നെ. ഓണത്തിന് ഒഴിച്ച് കൂടാന് വയ്യാത്ത ഒന്നാണ് നേന്ത്രപ്പഴം.അത് പോലെ തന്നെ പ്രധാനമാണ് പ്രഥമനും . നേന്ത്രപ്പഴം പ്രഥമന് ആകട്ടെ ഇത്തവണ ഓണം സ്പെഷ്യല് ..
നേന്ത്രപ്പഴം പ്രഥമന് 
ചേരുവകള്:
നേന്ത്രപ്പഴം ഒരു കിലോ
ശര്ക്കര 300 ഗ്രാം
നെയ്യ് മൂന്ന് സ്പൂണ്
ഏലക്ക പൊടിച്ചത് അര ടീസ്പൂണ്
തേങ്ങാക്കൊത്ത് ആവശ്യത്തിന്
അണ്ടിപ്പരിപ്പ് 50 ഗ്രാം
ഉണക്കമുന്തിരി 50 ഗ്രാം
തേങ്ങാപ്പാല് ഒന്നാം പാല് അരക്കപ്പ്
രണ്ടാം പാല് ഒരു കപ്പ്
മൂന്നാം പാല് രണ്ടു കപ്പ്
പാചകം ചെയ്യുന്ന വിധം:
ഒരു കപ്പ് വെള്ളം ഒഴിച്ച് ശര്ക്കര ഉരുക്കി മാറ്റി വെക്കുക. പഴം നന്നായി പുഴുങ്ങി, തൊലിയും കുരുവും മാറ്റിയ ശേഷം മൂന്നാം പാലിന്റെ പകുതി ചേര്ത്ത് അരക്കുക.
ചൂടായ പാനില് നെയ്യൊഴിച്ച് ഉണക്കമുന്തിരിയും അണ്ടിപ്പരിപ്പും തേങ്ങാക്കൊത്തും വെവ്വേറെ വറുത്ത് മാറ്റി വെക്കുക. ശേഷിക്കുന്ന നെയ്യിലേക്ക് അരച്ച പഴം ചേര്ത്ത് മീഡിയം തീയില് 10 മിനിറ്റ് നന്നായി ഇളക്കുക.ഇതിലേക്ക്ഉരുക്കിയ ശര്ക്കര ചേര്ത്ത് തിളപ്പിക്കുക.
കുറുകിയ ശേഷം മൂന്നാം പാലിന്റെ ബാക്കിയുള്ള ഭാഗം ചേര്ക്കുക. ഇതും കുറുകിയ ശേഷം രണ്ടാം പാല് ചേര്ക്കുക. നന്നായി യോജിപ്പിച്ച് ചേര്ത്ത് പാലിന്റെ പകുതിയായി കുറുക്കുക. തുടര്ന്ന് ഒന്നാം പാല് ചേര്ത്ത് ചെറുചൂടില് നന്നായി ഇളക്കിയ ശേഷം വാങ്ങി വെച്ച് പൊടിച്ച ഏലക്ക, വറുത്ത അണ്ടിപ്പരിപ്പ്,മുന്തിരി, തേങ്ങാക്കൊത്ത് എന്നിവ ചേര്ത്ത് അലങ്കരിക്കുക
https://www.facebook.com/Malayalivartha
