ഊണിനൊപ്പം അച്ചാറുകൂടി ഉണ്ടായാല്‍ കെങ്കേമ്മമായി. മാങ്ങാ അച്ചാർ , നാരങ്ങാ അച്ചാർ, ഫിഷ് അച്ചാർ എന്നിങ്ങനെ ധാരാളം അച്ചാറുകളുണ്ട് .ഇതാ വ്യത്യസ്തമായ ഒരു അച്ചാർ . പെട്ടന്ന് തയാറാക്കാൻ പറ്റുന്ന ഒരു അച്ചാർ ആണിത്.
പപ്പായ അച്ചാർ.
ഒരു വലിയ കഷ്ണം പപ്പായ ചെറുതായി മുറിച്ചത്.
മുളക് പൊടി 2 ടേബിൾ സ്പൂൺ
മഞ്ഞൾ ഒരു നുള്ള്.
ഉലുവ വറുത്തു പൊടിച്ചത് കാൽ ടീസ്പൂൺ.
കടുക് പൊടിച്ചത് കാൽ ടീ സ്പൂൺ.
വിനാഗിരി , ഉപ്പ് ആവശ്യത്തിനു. കയം ഒരു നുള്ള്.
എണ്ണ കടുക് കറിവേപ്പില വറുക്കാൻ ആവശ്യത്തിന്.

ചീനച്ചട്ടി ചൂടാകുമ്പോൾ എണ്ണ ഒഴിച്ച് കടുകും കറിവേപ്പില യും ഇട്ട്‌ അതിലേക്ക് പാപ്പായ അരിഞ്ഞതും മുളക് മഞ്ഞൾ ഉപ്പ്‌ എന്നിവയും ചേർത്ത് നന്നായി ഇളക്കി മൂന്ന് മിനിട്ടോളം അടച്ചു വേവാൻ വയ്ക്കണം.അത് കഴിഞ്ഞു ആവശ്യത്തിന് വിനാഗിരി ഒഴിച്ചു തിള വരുമ്പോൾ വാങ്ങി വച്ച് കടുക്‌ കായം ഉലുവ പൊടികൾ ചേർത്ത് ഇളക്കണം.

അച്ചാര്‍ ദീര്‍ഘകാലം കേടുകൂടാതെ ഇരിക്കാനുള്ള ചില പോംവഴികള്‍

കുപ്പിയുടെ ഉള്‍വശത്ത് കടുകെണ്ണ പുരട്ടിയാല്‍ അച്ചാര്‍ വളരെക്കാലം കേടുകൂടാതിരിക്കും
അമ്ലരസമുള്ള അച്ചാര്‍ ഗ്ലാസ് ഭരണികളില്‍ സൂക്ഷിക്കുക
അച്ചാര്‍ ഭരണി ഇടക്കിടെ തുറയ്ക്കരുത്. പൂപ്പല്‍ വരാന്‍ സാധ്യതയുണ്ട്. ആവശ്യത്തിനുള്ളത് കുറേശ്ശെ എടുത്തുമാറ്റി വയ്ക്കണം.
അച്ചാറിനു മീതെ പൂപ്പല്‍ വരുന്നെന്ന് കണ്ടാല്‍ പൂപ്പലുള്ള ഭാഗം കളഞ്ഞ് ഉപ്പുവിതറി നല്ലെണ്ണ മുക്കിയ തുണി അച്ചാറിന് മീതെ വിരിക്കുക.
പച്ചക്കറികള്‍ അച്ചാറിടുമ്പോള്‍ അവ കഴുകിത്തുടച്ച് അര മണിക്കൂര്‍ വെയിലുകൊള്ളിച്ച് ജലാംശം നീക്കി വേണം അച്ചാറിടാന്‍. പൂപ്പലിനെ തടയാം.
അസറ്റിക് ആസിഡ് ഉള്ള വിനാഗിരിയോ സോഡിയം ബെന്‍സോയിറ്റ് പ്രിസര്‍വേറ്റീവോ അച്ചാറിനുപയോഗിക്കുക.
അച്ചാര്‍ എടുക്കാന്‍ നനവുള്ള സ്പൂണ്‍ ഉപയോഗിക്കരുത്. പുറത്തെടുത്ത അച്ചാര്‍ തിരികെ കുപ്പിയിലാക്കുന്നതും ഒഴിവാക്കുക.

യാത്രാവേളകളില്‍ അച്ചാര്‍ കുപ്പികളില്‍ നിന്ന് എണ്ണ പുറത്തേക്ക് ഒഴുകാതിരിക്കാന്‍ എരിയുന്ന മെഴുകുതി ഉപയോഗിച്ച് മൂടിയുടെ വായ്ക്ക് ചുറ്റും മെഴുകുതിരിതുള്ളികള്‍ കൊണ്ട് അടയ്ക്കുക.
അച്ചാറിനുപയോഗിക്കുന്ന നല്ലെണ്ണ നല്ലവണ്ണം ചൂടാക്കി തണുത്തതിനു ശേഷം മാത്രം ഉപയോഗിക്കുക