കനത്ത മഴ തുടരുന്ന സാഹചര്യത്തില് കണ്ണൂര് ജില്ലയിലെ വിവിധ വിനോദ സഞ്ചാര കേന്ദ്രങ്ങളില് താത്ക്കാലിക നിയന്ത്രണം ഏര്പ്പെടുത്തി...
കനത്ത മഴ തുടരുന്ന സാഹചര്യത്തില് കണ്ണൂര് ജില്ലയിലെ വിവിധ വിനോദ സഞ്ചാര കേന്ദ്രങ്ങളില് താത്ക്കാലിക നിയന്ത്രണം ഏര്പ്പെടുത്തി. പാലക്കയം തട്ട് ടൂറിസം സെന്റര്, ഏഴരക്കുണ്ട് ടൂറിസം സെന്റര്, ധര്മ്മടം ബീച്ച്, ചാല് ബീച് പാര്ക്ക്, ചൂട്ടാട് ബീച്ച് എന്നിവിടങ്ങളില് പ്രവേശനം നിരോധിച്ചു. ഏഴാം തീയതി വരെയാണ് നിയന്ത്രണം ഏര്പ്പെടുത്തിയിട്ടുള്ളത്.
ജില്ലയില് ഇന്നും നാളെയും ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (അങ്കണവാടി, ഐസിഎസ്ഇ, സിബിഎസ്ഇ സ്കൂളുകള്, മദ്രസകള് എന്നിവയടക്കം) നാളെ കലക്ടര് അവധി പ്രഖ്യാപിച്ചു.
അവധി മൂലം നഷ്ടപ്പെട്ടന്ന പഠന സമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടികള് സ്വീകരിക്കേണ്ടതാണ്. വിദ്യാര്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദേശങ്ങള് നല്കേണ്ടതാണ്. ഇന്ന് നടത്താനിരുന്ന സര്വകലാശാല, പി എസ്സി പരീക്ഷകള്ക്ക് മാറ്റമുണ്ടായിരിക്കുന്നതല്ല.
അതേസമയം സംസ്ഥാനത്ത് കനത്ത മഴ തുടരുന്ന സാഹചര്യത്തില് വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു...കനത്ത മഴയില് വ്യാപക നാശനഷ്ടം, കോഴിക്കോട് ചാലിയത്ത് നിന്ന് കടലില് പോയ മത്സ്യബന്ധന ബോട്ട് കടലില് കുടുങ്ങി, മലപ്പുറത്ത് മിന്നല് ചുഴലി.
കോഴിക്കോട്, കണ്ണൂര്, കോട്ടയം, കാസര്കോട്, പാലക്കാട്, തൃശൂര്, ഇടുക്കി, എറണാകുളം, ആലപ്പുഴ, പത്തനംത്തിട്ട ജില്ലകളിലും പൊന്നാനി താലൂക്കുകളിലെയും വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിട്ടുള്ളത്. കണ്ണൂര് ജില്ലയില് എല്ലാ വിദ്യാഭ്യാസ സ്ഥാപനങ്ങള്ക്കും അംഗനവാടി, ഐസിഎസ്ഇ, സിബിഎസ്ഇ സ്കൂളുകള്, മദ്രസകള് എന്നിവയടക്കം ഇന്ന് (06.07.2023) അവധിയായിരിക്കുമെന്ന് ജില്ലാ കളക്ടര് അറിയിച്ചു.
https://www.facebook.com/Malayalivartha
