മുട്ടുമാറ്റി കോച്ചിക്കുളത്തെ ചീങ്കണ്ണിപ്പുഴയോരം വിനോദസഞ്ചാരികളുടെ യാത്രയില് ഇടത്താവളമായി മാറുന്നു
മുട്ടുമാറ്റി കോച്ചിക്കുളത്തെ ചീങ്കണ്ണിപ്പുഴയോരം വിനോദസഞ്ചാരികളുടെ യാത്രയില് ഇടത്താവളമായി മാറുന്നു. പ്രകൃതി സൗന്ദര്യം കനിഞ്ഞനുഗ്രഹിച്ച ആറളം വന്യജീവി സങ്കേതത്തിന്റെ അതിര്ത്തിയിലാണിത്.
പരിസ്ഥിതി വിനോദ സഞ്ചാര കേന്ദ്രമായ ആറളം വന്യജീവി സങ്കേതത്തിലേക്കും രാമച്ചിയിലേക്കും പാലുകാച്ചി മല ഇക്കോ ടൂറിസം മേഖലയിലേക്കും പോകുന്ന വഴി മുട്ടുമാറ്റി പ്രദേശത്താണ് ജലസമൃദ്ധമായ ചീങ്കണ്ണിപ്പുഴയോരം. ദിവസം തോറും നിരവധി പ്രകൃതി - പരിസ്ഥിതി സ്നേഹികളാണ് ഇവിടേക്ക് എത്തുന്നത്. പുഴയില് സൗകര്യപ്രദമായ കുളിക്കടവുമുണ്ട്. പ്രദേശവാസികള് കുളിക്കാനും നീന്തല്പഠിക്കാനും ഈ സ്ഥലം ആശ്രയിക്കുന്നു.
തടാകസമാനമായ ഈ ജലാശയം ദൂരദിക്കുകളില് നിന്നെത്തുന്ന വിനോദ സഞ്ചാരികള്ക്ക് ഹൃദ്യമായ അനുഭവമാണ് സമ്മാനിക്കുന്നത്. പുഴയുടെ മറുകരയില് ആറളം വനത്തില് നിന്ന് കടന്നെത്തുന്ന ആനകളുടെയും മാനുകളുടെയും ദൃശ്യങ്ങളും അപൂര്വ കാഴ്ചകളാകാറുണ്ട്. ടൂറിസം പദ്ധതിയില് ഉള്പ്പെടുത്തി പ്രദേശത്ത് അടിസ്ഥാന സൗകര്യ വികസനത്തിനും പദ്ധതികളാവിഷ്കരിക്കാനായി നടപടികളെടുത്തിട്ടുണ്ട്.
https://www.facebook.com/Malayalivartha
