നവംബര്‍ ഒന്നുമുതല്‍ ഏഴുവരെ തിരുവനന്തപുരത്ത് സംഘടിപ്പിക്കുന്ന 'കേരളീയം' പരിപാടിയുടെ പ്രചാരണാര്‍ഥം കെഎസ്ആര്‍ടിസി ബജറ്റ് ടൂറിസം സെല്‍ ഓപ്പണ്‍ ഡെക്ക് ഡബിള്‍ ഡെക്കര്‍ യാത്രയൊരുക്കുന്നു.


ഒക്ടോബര്‍ 14, 15 തീയതികളിലാണ് നഗരക്കാഴ്ചകള്‍ കാണുന്നതിന് അവസരമൊരുക്കി ഡബിള്‍ ഡക്കര്‍ ബസില്‍ വിനോദയാത്ര സംഘടിപ്പിക്കുന്നത്.

കിഴക്കേകോട്ട കെഎസ്ആര്‍ടിസി ഡിപ്പോ, സ്റ്റാച്ച്യൂ, മ്യൂസിയം, വെള്ളയമ്പലം, എയര്‍പോര്‍ട്ട്, ശംഖുംമുഖം ബീച്ച്, ലുലു മാള്‍ റൂട്ടിലായിരിക്കും യാത്ര. വൈകിട്ട് 4.30ന് ആരംഭിച്ച് രാത്രി 9.30 വരെയായിരിക്കും യാത്ര നടത്തുക.